गुप्तांग देखाउदा दुई लाख जरिवाना

पोर्चुगलको ब्रागा जिल्ला अन्तर्गत ग्युमाराएँजको एउटा अदालतले छिमेकी महिलालाई कट्टु खोलेर गुप्तांग देखाउने एक जना ६८ वर्षीय पोर्चुगिज पुरुषलाई नेपाली दुई लाख रुपियाँ बराबरको जरिबाना सुनाएको छ ।

साँधको विषयमा सधैं झगडा गरिरहने ति पुरुषले भनाभनको क्रममा छिमेकी ४८ वर्षीया महिलालाई कट्टु खोलेर गुप्तांग देखाएका थिए । झगडा चलिरहँदा छिमेकी ति महिलाले “तेरो गुप्तांग काटेर रुखमा झुण्ड्याउने तागत छ” भनेर चर्किएकी थिइन् ।

समाचारहरुमा जनाइए अनुसार पुरुष रक्सीको नसामा थिए र उनले पनि महिलालाई तथानाम गाली गरिरहेका थिए । “सक्छेस भने ल काटेर झुन्ड्याइ” भन्दै ति पुरुष छिमेकिले कट्टु खोलेर गुप्तांग देखाइदिएका थिए ।

झगडा सुरु भए देखिनै ती महिलाले मोबाइलमा भिडियो खिचिरहेकी थिइन् जुन कुरा पुरुषले चाल पाएनन् । पछि उनले महिला हिंसाको कारण देखाएर अदालतमा मुद्दा हालिन् । पटक पटकको पेशी र बहसपछि चार वर्षमा न्यायाधीशले पुरुषलाई जरिवाना तिराउने फैसला सुनाए ।

फैसला सुनाएको बेला पुरुष झोक्राएर उभिइरहेका थिए । उनकी स्वास्नी, छोरा बुहारी, नातिनातिनाहरु सबै फैसला सुन्न गएका थिए । अदालतमा उनले आफूसँग भएको ९ सय यूरो तुरुन्तै बुझाए भने बाँकी एक साता भित्र बुझाउने गरी भाखा मागेर छोरा बुहारीसँगै घर फर्किए ।