रुसी आक्रमणको सामना गर्न नाटोले थप सेना पठाउने

Image Credit-atlanticcouncil.org

उत्तर एटलान्टिक सन्धि संगठन (नाटो) ले रुसद्वारा युक्रेनमा गरिएको आक्रमणको नयाँ परिस्थिति अनुसार सामाना गर्न थप सैनिक पठाउने बाचा गरेको छ ।

नाटोका रक्षा मन्त्रीहरूले बुधवार सैन्य कमाण्डरहरूलाई युक्रेनमा रूसको आक्रमणले देखा परेको नयाँ वास्तविकताको कारण गठबन्धनलाई बलियो बनाउन उपायहरू ल्याउने जिम्मेवारी दिएका छन् ।

“हामीले नयाँ वास्तविकताको सामना गरिरहेका छौं । त्यसैले हामीले लामो अवधिको लागि हाम्रो सामूहिक प्रतिरक्षा र प्रतिरोधलाई पुनर्स्थापित गर्नुपर्छ” नाटोका महासचिव जेन्स स्टोल्टेनबर्गले बैठकपछि पत्रकारहरूलाई भने ।

उनले थपे “मन्त्रीहरूले सैन्य कमाण्डरहरूलाई नाटो नेताहरूलाई प्रस्तुत गर्नको लागि विकल्पहरू ल्याउन निर्देशन दिएका छन् ।”

नाटोले संभवत स्थल सेनाको थप शक्ति परिचालन गर्ने छ । एकीकृत फोर्स र क्षेप्यास्त्र प्रतिरक्षा सहित अधिक मात्रामा हवाई शक्तिको सहयोग बढाउने संभावना छ । अतिरिक्त पनडुब्बी र लडाकु जहाजहरूको उल्लेखनीय संख्या कसरी बढाउने, यससित सम्बन्धित अन्तरिक्ष वस्तुहरु आकर्षित गर्ने उत्तम उपाय के हुने भन्ने विचारहरू समावेश हुने सम्भावना समेत छ । प्रशिक्षण अभ्यासहरू धेरै पटक र धेरै संख्यामा गर्नकोलागिपनि उनीहरुले सुझाव दिने छन् ।

स्टोल्टेनबर्गले जोड दिए “हाम्रो रक्षाको प्रमुख सुदृढीकरणका लागि लगानीमा ठूलो वृद्धि आवश्यक छ ।”

उनले जर्मनी र डेनमार्कले भर्खरै आफ्नो देशको रक्षामा लगानी बढाउने भन्दै गरेको घोषणाको उनले प्रशंसा गरे ।

नाटो सहयोगीहरूले आफ्नो कुल गार्हस्त उत्पादनको दुई प्रतिशत रक्षा क्षेत्रमा खर्च गर्न आवश्यक रहेको भनाई उनको थियो । तर नाटोको तथ्याङ्क अनुसार गठबन्धनका सदस्य राष्ट्रहरू मध्ये १० वटाले मात्र गत वर्ष त्यसो गरे । यी हुन् ग्रीस, अमेरिका, क्रोएसिया, बेलायत, इस्टोनिया, लाटभिया, पोल्याण्ड, लिथुआनिया, रोमानिया र फ्रान्स ।

‘उत्तेजित र अनुचित’

रुसले पूर्वी युक्रेनको विवादित क्षेत्रमा नागरिक वस्तिको रक्षा गर्न आफ्नो आक्रमण आवश्यक भएको दाबी गर्दै आएको छ । र कीभमा निर्वाचित सरकारलाई नरसंहार गरेको आरोप लगाउँदै २४ फेब्रुअरीमा युक्रेनमा आक्रमण सुरु गर्‍यो ।

युक्रेन र पश्चिमी सहयोगीहरूले यी दावीहरूलाई स्पष्ट रूपमा अस्वीकार गरेका छन् र आक्रमणलाई ‘उत्तेजित र अनुचित’ भनी निन्दा गरेका छन् ।

आक्रमण शुरु भएका हप्तामा मस्कोले युक्रेनसँगको साझा सीमामा एक लाख ५० हजार सेनाहरू तैनाथ गरेको थियो जसले वाशिंगटनसँग यसको पूर्वी भागमा नाटो सैन्य उपकरणहरू तैनाथ गर्ने बारे उच्च-स्तरीय कूटनीतिक वार्ता सुरु गरेको थियो । रसियाले त्यसबाट आफ्नो सुरक्षालाई खतरामा पारेको दाबी गरेको छ । नाटोलाई केही पूर्वी युरोपेली देशहरूबाट सेना फिर्ता गर्न र युक्रेन र जर्जियालाई कहिल्यै पनि ट्रान्सएट्लान्टिक गठबन्धनमा सामेल हुन नदिने ग्यारेन्टी प्रदान गर्न माग गरेको छ ।

नाटो सहयोगीहरूले रुस विरुद्ध समन्वयात्मक प्रतिबन्धहरू लगाउँदै आक्रमणको जवाफ दिए । जबकि ईयू, अमेरिका, बेलायत र क्यानडा लगायतका केही सदस्यहरूले युक्रेनलाई आफ्नो रक्षा गर्न घातक हतियारहरू सहयोग दिएका छन् ।

गठबन्धनले पूर्वी सदस्य राष्ट्रहरूमा आफ्नो स्थितिलाई बलियो बनाए र बाल्टिक सागरमा हवाई र नौसेना गस्तीलाई बढाएर झनै बलियो बनाए ।

नाटो राज्यहरूका थप प्रतिबद्धता

लाखौं नाटो सेनाहरूलाई उच्च सतर्कतामा राखिएको छ भने अमेरिकाले जनवरीमा ८० हजार बाट युरोपभरि तैनाथ गरेको आफ्नो सेनालाई एक लाखमा बढायो । सन् २००५ पछि त्यो संख्या बढेको थिएन तर अहिले बढाएको हो ।

यी मध्ये एक तिहाइ भन्दा बढी अमेरिकी सेना अर्थात् ३८ हजार पाँच सय जर्मनी, १२ हजार इटाली र १० हजार पोल्याण्ड र बेलायतमा छन् । तीन बाल्टिक मुलुकमा दुई हजार पाँच सय अमेरिकी सेना छन् ।

“हाम्रा नाटो सहयोगीहरूलाई आश्वस्त पार्न, नाटोको पूर्वी भागमा हुने सम्भावित आक्रमणलाई रोक्न, आयोजक राष्ट्रका सेनाहरूसँग तालिम दिन र आकस्मिकताको विस्तृत श्रृंखलामा योगदान दिन कर्मचारीहरू तैनाथ गरिएको छ” अमेरिकी युरोपेली कमाण्डले एक विज्ञप्तिमा भन्यो “केही बलहरू चक्रिय (घटबढ) हुन्छन् त्यसैले संख्याहरू समयसँगै उतार-चढ़ाव हुनेछन् ।”

महासचिवले बुधवार भने “मन्त्रीहरू सहमत भएका छन् कि हामीले युक्रेनलाई सैन्य आपूर्ति सहित महत्त्वपूर्ण समर्थन प्रदान गर्न जारी राख्नुपर्छ ।”

उनले भने “नाटो सहयोगीहरूले आपूर्ति गरेका हतियारहरूले युक्रेनीहरूलाई रुसी सेना विरुद्ध लड्न अनुमति दिएको छ । वार्ताको टेबलमा उनीहरूले के हासिल गर्न सक्छन् भन्ने कुरामा यो अत्यन्त महत्त्वपूर्ण छ।”

“राष्ट्रपति पुटिनले यो युद्ध तुरुन्तै रोक्नु पर्छ । आफ्नो सेनालाई तत्काल फिर्ता गर्नुपर्छ । राम्रो विश्वासका साथ कूटनीतिमा संलग्न हुनुपर्दछ” उनले भने ।