घलेद्वारा तत्कालै नयाँ निर्वाचन समिति गठन

गैर आवाशीय नेपाली संघ (एनआरएनए) को १० औं महाधिवेशनका नाममा कार्यक्रम आयोजना गरेका शेष घलेको निर्वाचन समितिका चार जनाले राजिनामा दिएलगत्तै घलेले नयाँ निर्वाचन समिति गठन गरेका छन् ।

काठ्माडौंको होटल याक एण्ड यति दरबारमार्गमा हुँदै गरेको घले पक्षको निर्वाचन समितिका नयाँ प्रमुख निर्वाचन अधिकृतमा प्रकाश धमलालाई नियुक्त गरिएको छ ।

अधिकृतमा एलबी गुरुङ मनोनित भएका छन् । डमर घले भने यथावत छन् ।

महाधिवेशनको बन्द सत्र बुधवार (मार्च २३) बाटै सुरु भएको छ । निर्वाचन समितिका पाँच मध्ये चार जनाले राजिनामा दिएपछि अहिले महाधिवेशनस्थलमै ठूलो सन्नाटा छाएको छ ।

घलेले निर्वाचन समितिकै ब्यक्तिहरुमाथि दूर्ब्यवहार गरेको भन्दै धेरैले आलोचना गरिरहेका छन् ।