इयुले युद्ध सुरु भएदेखि रुसी ऊर्जामा ३५ अर्व युरो खर्च, युक्रेनलाई सहायता एक अर्व मात्र

युरोपेली युनियन (ईयू) ले युक्रेनलाई विदेशी सहायताको रूपमा पठाएको एक अर्ब यूरोको तुलनामा युद्ध सुरु भएदेखि रुसी ऊर्जाका लागि ३५ अर्ब युरो भुक्तान गरेको छ ।

ईयूका शीर्ष कूटनीतिज्ञ जोसेप बोरेलले ईयुले युक्रेनलाई थप हतियार दिनुपर्ने बताउँदै उक्त रहस्य खोलेका हुन् ।

“युक्रेनी राष्ट्रपति जेलेन्स्कीलाई हामीले नायक भएको कुरा बताएर मात्रै हुन्न की उहाँलाई लड्नका लागि थप हतियारहरू दिनुपर्छ । युक्रेनीहरूले हामीबाट यही आशा राखेका छन्” बोरेलले बुधवार युरोपेली संसदलाई भने “हामीले के हेरेर बसिराखेका छौं । हामीले यसलाई छिटो गर्नुपर्छ । रुसलाई दबाब दिँदै युक्रेनलाई हतियार दिनुपर्छ । उनीहरूलाई हाम्रो अधिकारमा पर्ने सबै क्षमता प्रयोग गरेर आक्रमणकारी सेनाहरूसँग लड्न मद्दत गर्नुहोस् ।”

“हामीले युक्रेनलाई करिब एक अर्व युरो दिएका छौं। त्यो धेरै जस्तो लाग्नसक्छ । तर एक अर्व युरो त्यो हो जुन हामीले भ्लादिमिर पुटिनलाई दिनहुँ उहाँले हामीलाई उपलब्ध गराउनुभएको ऊर्जाको लागि तिर्दैछौं । युद्ध सुरु भएदेखि हामीले युक्रेनलाई हातहतियार बनाउन दिएको १ बिलियन युरोको तुलनामा उसलाई ३५ अर्व युरो दिएका छौं।”

संवन्धित : रुस-युक्रेन युद्दले विश्वभरिनै खाद्यान्नको मूल्य बढ्ने, सबैभन्दा मारमा गरिब

रुसको तेल, ग्यास र कोइलामाथि ईयूको भारी निर्भरता युक्रेनमा भएको युद्धले खुलासा गरेको छ ।

रूसी जीवाश्म ईन्धनमा कुल प्रतिबन्ध लागू गर्न ईयुलाई आह्वान गरिरहेको छ । त्यो दवाद बढ्दो छ । गत वर्ष ९९ अर्व युरो भन्दा बढी रकम रुसलाई तिरिएको थियो । त्यसले रुसी युद्ध मेसिनलाई कोषको श्रेय दिइएको आरोप लागेको छ ।

तर यो मुद्दा सदस्य राष्ट्रहरू बीच अत्यधिक विभाजनकारी भएको छ जसमा देशनै पिच्छे विभिन्न ऊर्जा मिश्रणका स्वार्थ छन् । त्यसैले रुसी इन्धन पूर्णरुपमा बहिस्कारका लागि असमानता उजागर भैरहेको छ

पोल्याण्ड र बाल्टिक राज्यहरूले यो कदम ईयुको लागि नैतिक कर्तव्य भनिरहेका छन् । तर जर्मन व्यवसायहरूले पूर्णरुपमा प्रतिबन्ध लगाएमा ठूलो मन्दीको चेतावनी दिएका छन् ।

युक्रेनको राजधानी कीभ नजिकैको उपनगर बुचामा नागरिकहरू विरुद्ध अन्धाधुन्ध हत्या भएको रिपोर्ट आएपछि रुसी ईन्धनमा पूर्ण प्रतिबन्ध लगाउनुपर्ने बहस तीव्रताको नयाँ तहमा पुगेको छ ।

युरोपेली आयोगले मंगलबार दिउँसो अनुमोदन गरेको प्रतिबन्धहरूको नयाँ प्याकेजले रूसी कोइलाको आयातमा प्रतिबन्ध लगाउने प्रस्ताव गरेको छ जुन लगभग चार अर्व युरो समेटिन्छ ।

“आज हामीले रुसी कोइलाको अन्त्य गर्यौं । तर त्यो कुल बिलको एकदम सानो अंश हो” बोरेलले भने।

आयोगले तेलसँग सम्बन्धित उपायहरूमा काम गर्ने बताएको छ । त्यसको लागि ईयुले वार्षिक ७० अर्व तिर्छ । तर ग्याँसको कुनै उल्लेख गरेको छैन जसमा ईयुले १६ अर्व यूरो भन्दा बढी खर्च गर्दछ ।

ईयुले पछिल्लो पटक प्रस्ताव गरेका उपायहरूमाथि ईयुका २७ सदस्य राष्ट्रहरूले छलफल गरिरहेका छन् । त्यस प्रस्तावलाई सर्वसम्मतिबाट अनुमोदन गर्नुपर्ने छ ।

संवन्धित :

रुस-युक्रेन युद्धले यूरोपेली क्षेत्रमै मुद्रास्फीति साँढे सात प्रतिशतले वृद्धि

रुस-युक्रेन युद्दले विश्वभरिनै खाद्यान्नको मूल्य बढ्ने, सबैभन्दा मारमा गरिब

रूसी ऊर्जामा युरोपेली निर्भरता कम गर्न अमेरिका र ईयू बिच साझेदारीको घोषणा