विधान संशोधन प्रस्ताव सहित एनआरएनए फ्रान्सको वार्षिक साधारण सभा आइतवार

लामो समयदेखि समेटिन नसकेका नेपालीहरुलाई समेट्ने गरि विधानमा विविध संशोधन प्रस्तावसहित यहि आइतवार (नोभेम्वर ६) मा गैर आवासीय नेपाली संघ (एनआरएनए) फ्रान्सको वार्षिक साधारण सभा घोषणा गरिएको छ ।

एनआरएनए फ्रान्सले सार्वजनिक गरेको सूचना अनुसार यस साधारण सभामा संघको विधानका केही धाराहरू अनुमोदनको लागि प्रस्ताव गर्ने छ।

संवन्धित : सबै नेपालीलाई समेट्ने गरि एनआरएनए फ्रान्सको विधान संशोधन प्रस्ताव, झण्डै दर्जन संस्थाको सहमति

यस साधारण सभामा संशोधन गरिने बुँदा बारे संघको आधिकारिक वेभ साईटमा पहिले नै घोषणा गरिएको सूचनामा उल्लेख छ ।

एनआरएनए फ्रान्सको सूचनाका अनुसार संशोधन गर्न लागिएका धारामा ५, ६, ७, ८, १०.१, ११.८, १२.५, १२.७, १२.१०, १३.७, १४.१, १४.२, २१.१, २१.५, २४, २७.३, २८.३, २९.१, २९.४, ३३.१ छन् ।

ति धाराहरुमा के छन् भन्ने हेर्न यहाँ क्लिक गर्नुहोला ।

साथै उक्त दिनमा संघको वार्षिक कार्यतालिका अन्तर्गतको देउसीभैलोको समापन समेत गरिने भएको छ ।