फ्रान्सेली अधिकारीहरूद्वारा पेरिसमा प्रहरी हिंसाको विरोधमाथि प्रदर्शनमा प्रतिबन्ध

फ्रान्सेली अधिकारीहरूले शनिबार पेरिसमा हुन लागेको प्रहरी हिंसाविरुद्धको प्रदर्शनमाथि प्रतिबन्ध लगाएका छन् ।

अधिकारीहरुले प्रहरी अभावका कारण अघि बढ्न नसकेको बताएपनि आम नागरिक र अभियन्ताहरुले त्यसलाई सरकार अझै बढी दमनकारी भएको बताएका छन् ।

। गैरसरकारी संस्थाहरूले प्रतिबन्धले अधिकारीहरूको “धेरै भन्दा धेरै दमनकारी” दृष्टिकोणलाई सङ्केत गरेको बताएका छन् ।

पेरिसको प्रशासनिक अदालतका न्यायाधीशहरूले शनिबार मध्याह्न फ्रान्सको राजधानीस्थित प्लास द ला रेपुब्लिकमा शनिबार गर्ने भनिएको प्रदर्शनलाई अस्विकार गरिदिएका हुन् । दिउँसो ३:०० बजेदेखि शुरु गर्न अनुमति दिन प्रहरी हिंसा विरुद्ध राष्ट्रिय संगठनले गरेको अपीललाइ अस्वीकार गरेको हो।

बुधवार गृहमन्त्री जेराल्ड डार्मानिनले जुन २७ मा प्रहरीद्वारा गोली हानेर मारिएका १७ वर्षीया नाहेल एमको मृत्युपछि जुलाई १५ सम्मका “दंगासँग प्रत्यक्ष रूपमा सम्बन्धित” कुनै पनि प्रदर्शनमा प्रतिबन्ध लगाउने घोषणा गरेपछि अदालतले यो आदेश दिएको हो।

किशोर नाहेलको हत्यापछि प्रहरी हिंसाविरुद्ध फ्रान्समा झण्डै एक सातादेखि हिंसात्मक प्रदर्शन भएको थियो।

पेरिसका प्रहरी प्रमुख लोरँ नुनेजले बिहीबार ‘सार्वजनिक व्यवस्थामा गडबडी’ हुनसक्ने जोखिमका कारण शनिबारको विरोध अघि बढ्न नसक्ने बताएका थिए।

नुनेजले दंगा र फ्रान्सको वार्षिक जुलाई १४ बास्टिल दिवस मनाउने क्रममा सुरक्षा बलहरू धेरै परिचालन भएकाले कार्यक्रममा सुरक्षा सुनिश्चित गर्न प्रहरी संख्याको अभावलाई उद्धृत गरे।

“पेरिसको प्रशासनिक अदालतका न्यायाधीशहरूले समर्थन गरेको प्रहरी मुख्यालयद्वारा पूर्ण रूपमा वैध मागहरूको लोकतान्त्रिक अभिव्यक्तिको लागि सबै च्यानलहरू अवरुद्ध गरिरहेको छ,” शनिबारको विरोध प्रदर्शनका आयोजकहरूको प्रतिनिधित्व गर्ने वकिल लुसी साइमनले भनेका छन् ।

अदालतको आदेश पछि, आयोजकहरूले कार्यक्रम निर्धारित घण्टा अघि रद्द गरेका थिए।