कन्दरा ब्याण्डले लण्डनमा प्रत्यक्ष प्रस्तुति गर्ने

लोकप्रिय कन्दरा ब्याण्डले यही जनवरी ४, २०२५ मा लण्डनको ऐतिहासिक इन्डिगो एट द जिरोटु (Indigo at The O2 ) मा प्रत्यक्ष प्रस्तुति गर्ने भएको छ ।

‘यो क्षण कन्दराको मात्र होइन, नेपाली सांगीतिक क्षेत्र र नेपाली माटोको सुगन्धमा विश्वभर फैलिएर रहेका नेपालीहरुका लागि गर्वको कुरा हो’ आयोजकहरुले भनेका छन् ।

यो कार्यक्रम सांगीतिक कन्सर्ट मात्रै नभएर नेपाली संगीत र संस्कृतिको विश्वव्यापी महोत्सव समेत रहेको भनाई आयोजकको छ । यस्तो ऐतिहासिक क्षणको साक्षी बन्ने अवसर नछुटाउन बेलायतबासीलाई उनीहरुले आग्रहसमेत गरेका छन् ।

‘बेलायतमा रहने सम्पूर्ण नेपाली आमा-बाबा, दाजु-भाई तथा दिदी-बहिनीहरुको उपस्थितीले यस एतिहासिक सांगीतिक क्षणलाई उत्सवमय बनाउने छ’ आयोजकहरुले उल्लेख गरेका छन् ।

‘लेककी हे माया’, ‘हङकङ पोखरा’ लगायतका लोकप्रिय धुनमा नाच्दै पुराना यादहरूलाई ताजा गर्ने अभिप्रायसमेत उनीहरुको छ ।

कार्यक्रम : मितिः ४ जनवरी, २०२५ स्थानः स्थानः Indigo at The O2, London