पेरिसमा राष्ट्रिय कलाकारसहितको तीज धमाका हुने
पेरिसमा अगस्ट १७ आइतवारका दिन राष्ट्रिय कलाकारसहितको तीज साङ्गितिक साँझ आयोजना हुँदै छ ।
लोकदोहोरी समुह, फ्रान्सले आयोजना गर्न लागेको यो कार्यक्रममा नेपालका राष्ट्रिय लोक दोहोरी कलाकार शान्तिश्री परियार र रवीन लामिछानेले विशेष प्रस्तुती गर्ने छन ।
उनीहरुको साथमा फ्रान्स निवासी कलाकार सन्जय थापा मगरको प्रस्तुती पनि रहने छ । फ्रान्सका आधा दर्जना भन्दा बढी स्थानीय नेपाली कलाकारहरुको समेत प्रस्तुती हुने लोक दोहोरी समुह फ्रान्सका नवीन के परिवारले जानकारी दिए ।
अपरान्ह तीन बजे देखि राती १० बजे सम्म हुने यस कार्यक्रमको प्रवेश शुल्क २० युरो छ । यसमा साँझ खानाको ब्यवस्थासमेत गरिएको छ । तर १० वर्ष मुनिका बालबालिकाका लागि भने नि:शुल्क छ ।
राष्ट्रिय रुपमै चर्चित र सुरिला, मिठा स्वरका धनी कलाकारको साथै स्थानीय रुपमा प्रतिभाशाली स्थानीय कलाकारको समेत प्रस्तुति रहनाले यो कार्यक्रमबारे धेरैले चासो र चाख राखेको नवीन के परिवारको भनाइ छ ।
कार्यक्रमको सम्पूर्ण विविरण :
मिति : 17 अगस्त 2025
स्थान : 14 RUE GEORGES POLITZER 93120,
LA COURNEUVE
कसरी पुग्ने ? :
- Tram 1, Station : hotel de ville,
- RER B : la Courneuve Aubervilliers)
समय : अपरान्ह तीन बजे देखि राती १० बजे सम्म
टिकट शुल्क : 20 युरो (खाना सहित) 10 मुनि का बालबालिकालाई निशुल्क
कार्यक्रम संयोजक : गंगा आचार्य र राजु थापा मगर
