नेपाल कम्युनिस्ट पार्टीका नेता विरही बिरामी अवस्थामा अस्पतालबाट पुन गिरफ्तार

बिप्लव अध्यक्ष रहेको नेपाल कम्युनिस्ट पार्टीका केन्द्रिय सदस्य, रातो खबरका निर्देशक एवं लेखक अनिल शर्मा विरहीलाई प्रहरीले आज भरतपुर अस्पतालबाट गिरफ्तार गरि गुपचुप रुपमा धनुषा लगेको छ ।

अस्पतालमा उपचारत उनलाई असार ३ गतेको नक्कली डिस्चार्ज पेपर बनाएर अस्पतालबाट निकाल्दै फेरि गिरफ्तार गरेको हो । उच्च रक्तचाप, मधुमेहका बिरामी विरही घरको भर्र्याङ्बाट लडेर चोट्पटक लागेपछि भरतपुरको पुरानो मेडिकल कलेजमा उपचार थिए । उपचारकै क्रममा बैशाख २३ गते प्रहरिले पक्राउ गरेको थियो ।

बिरामी नेता विरहीको स्वास्थ्य अवस्थाको ख्याल राख्दै चितवन जिल्ला अदालतले साधारण तारेखमा रिहा गर्न आदेश दिएको थियो । स्वास्थ्य अवस्था सामान्य नभएसम्म पुन : पक्राउ नगर्नपनि अदालतको आदेश थियो । तर अदालतको निर्णयलाई कुल्चिँदै प्रहरिले धनुषा लैजाने भन्दै पक्राउ गरेको हो । अदालतको निर्णयलाई अबज्ञा गर्दै चितवनको भरतपुर अस्पतालमा उपचारर हुँदापनि दैनिक ३, ४ जना प्रहरी जवान खटाइएको थियो । प्रहरीकै निगरानी र मानसिक दबाबमा उनको उपचार भैरहेको थियो ।