फ्रान्समा कोरोना महामारीको चौथो तरंग घोषणा, स्वास्थ्य नियम पालना नगराउने ब्यवशायीलाई ४,००० युरोसम्म जरिवाना

फ्रान्सेली सरकारले कोरोना कोरोना भाईरसको चौथो तरंग घोषणा गर्दै स्वास्थ्य पास नियम उल्लंघनकर्तालाई चार हजार युरोसम्म जरिवाना तिराउने घोषणा गरेको छ । सरकारले स्वास्थ्य पास घोषणा गरेको तिन दिनमै यस्तो निर्णय गरेको हो ।

सोमबार फ्रान्सेली सरकारले सांस्कृतिक स्थल र कार्यक्रमहरुमा जान कोरोना खोप लगाएको वा कोरोना परिक्षण गर्दा नकारात्मक देखिएको प्रमाण पेश गर्नुपर्ने भन्दै स्वास्थ्य पासपोर्ट (प्रमाणपत्र) कार्यक्रम घोषणा गरेको थियो ।

तर फ्रान्सेली सरकारका प्रवक्ता गाब्रियल पेरीले हिजो बुधवार कोरोना भाईरसका नयाँ नयाँ स्वरुप देखा परेपछि फ्रान्समा डेल्टा भेरियन्टको संक्रमणले गर्दा चौथो तरंग देखा परेको बताएका छन् ।

अगस्टको सुरुदेखि नै विभिन्न ठाउँहरूमा स्वास्थ्य पास अनिवार्य लागु गर्ने घोषणा गरिएको छ । स्वास्थ्यकर्मीहरूले खोप अनिवार्य रुपमा लगाएको हुनुपर्ने छ । तर यि नियमहरु अनिवार्यरुपमा लागु गर्न युरोपमा सबैभन्दा गाह्रो स्थिति देखिँदै छ ।

यो स्वास्थ्य पासमा कोरोना भाईरसबिरुद्दको खोप लगाएको, कोरोना भाईरस परिक्षण गर्दा नेगेटिभ देखिएको वा कोरोना भाईरस लागेर निको भएको उल्लेख गरिएको हुने छ ।

स्वास्थ्य पासको नियम अनुसार स्वास्थ्य पास भए नभएको जाँच नगरि आफ्ना ब्यापारिक केन्द्र, ब्यवशायभित्र ग्राहकलाई प्रवेश दिने ब्यापारिक संस्थाहरुलाई पहिलो चरणमा १,५०० युरो र दोस्रो पटक उल्लंघ गरेको देखिएमा ४,५०० युरो जरिवाना गरिने छ । नियम उल्लंघन दोहोर्‍याउँदै जाने ब्यवशायीको हकमा जरिवाना अझ बढ्दै जाने छ ।

नागरिकहरुलाई स्वास्थ्य नियमहरु लागु गर्ने बानी बसाल्नकालागि यस्तो नियम ल्याएको सरकारी प्रवक्ताको भनाई छ । त्यसैले जरिवाना कुन मितिदेखि लागु हुन्छ भन्ने अहिलेनै यकिन नगरिएको सरकारका प्रवक्ता अटलले उल्लेख गरेका छन् ।

यो जरिवाना लागु हुनु पहिले नागरिक, ब्यवशायीहरुलाई बानी बसाल्न वा सबैसमक्ष जानकारि पुर्‍याउन एक हप्तादेखि एक महिनाको समय दिईनेपनि उनले पत्रकार सम्मेलनमा बताए ।

“हामी महामारीको चौथो तरंगमा प्रवेश गरेका छौं” फ्रान्सेली मन्त्रीपरिषदको बैठकबाट बाहिर निस्किंदासाथ प्रवक्ताले बुधवार पत्रकारहरुसित भने ।

सिनेमा, बार, रेस्टुरेन्ट, अस्पताल, बस, लामो दूरीको रेल र विमान चढ्दा स्वास्थ्य पास आवश्यक पर्ने छ ।

तर नागरिकको प्रजातान्त्रिक हक कुण्ठित गरेको भन्दै यस निर्णयबिरुद्द फ्रान्स, ग्रिस, जर्मनी, स्पेनलगायत युरोपका केहि देशमा नागरिकहरुले बिरोध जुलुसपनि आयोजना गर्दै आएका छन् ।

सरकारी नियमको बिरोध कर्ताहरुले यो स्वास्थ्य पासलाई ‘स्कन्डाल’ भन्दै बिरोध गरेका छन् । केहि बिरोधकर्ताहरु खोप र स्वास्थ्य पास दुबै ‘हामीलाई मान्य छैन’ भन्दै बिरोधमा उत्रिएका छन् । यसरि बिरोध गर्नेहरुमा फ्रान्सका स्वास्थ्यकर्मीसमेत देखिएका छन् ।

फ्रान्सेली राष्ट्रपती एमानुयल माखोंले स्वास्थ्य नियमहरुका बारेमा संसदमा मतदान गरिने बताएका थिए । तर उनको भनाई पछि फ्रान्समा संक्रमण दर बढेको र कोरोना बिरुद्दको खोप लगाउनेहरुको संख्या भने घटेकाले यस्तो नियम ल्याएको अधिकारीहरुले बताएका छन् ।

राष्ट्रपतीको योजना अनुसार कोरोना भाइरस पोजेटिभ देखिएकाहरुले अब १० दिन स्वएकान्तबास (सेल्फ आइसोलेसन) मा बस्नुपर्ने छ ।