महिला अधिकार कमजोर भन्दै विश्व बैंकद्वारा अफगानिस्तानलाई दिँदै आएको सहायता स्थगित

तालिबानले सत्ता कब्जा गरेपछि अफगानिस्तानको स्थिति विशेष गरी महिलाहरुको स्थिति राम्रो नरहेको, गहिरो चिन्ताको विषय बनेको भन्दै विश्व बैंकका प्रवक्ताले अफगानिस्तानलाई दिँदै आएको सहायता स्थगित गरेको बताएका छन् ।

विश्व बैंकका अधिकारीले एएफपीलाई भने “हामीले अफगानिस्तानमा हाम्रो संचालनमा रहेको सहयता वितरण रोकेका छौं । हामीले स्थितिलाई नजिकबाट निगरानी र मूल्यांकन गरिरहेका छौं ।”

विश्व बैंकको अफगानिस्तानमा दुई दर्जन भन्दा बढि विकास परियोजनाहरु चलिरहेको छ । सन् २००२ बाट करिब साँढे पाँच अरब प्रदान गरिसकेको छ ।