फ्रान्समा एकै दिन एक लाख ८० हजार कोरोना संक्रमित, जर्मनीमा ४५ प्रतिशतले वृद्धि
फ्रान्समा मंगलबार २४ घण्टाको अवधिमा झण्डै एक लाख ८० हजार कोरोनाबाट संक्रमित भएका छन् भने जर्मनेमा मंगलवार कोरोना संक्रमितको संख्या एकैदिन ४५ प्रतिशतले बढेको छ ।
जर्मनीमा ओमिक्रोन भाईरसकै संक्रमणबाट चार जनाको मृत्यु भएको डिडब्ल्यु न्युजले उल्लेख गरेको छ ।
फ्रान्सको स्वास्थ्य सेवा विभागको तथ्यांक अनुसार मंगलवार कोरोना संक्रमित हुनेको संख्या एक लाख ७९ हजार आठ सय सात पुगेको छ । यो महामारी सुरु भएदेखि अहिलेसम्मकै उच्च संख्या हो ।
यसअघि शनिबार फ्रान्समा एक लाख चार हजार छ सय ११ जना संक्रमित भएका थिए ।
बढ्दो संक्रमणको संख्यालाई नियन्त्रण गर्न प्रधानमन्त्री जेन कास्टेक्सले कम्पनीहरूलाई आफ्ना कर्मचारीहरूलाई हप्तामा कम्तिमा तीन दिन घरबाट काम लगाउन आदेश दिएका छन् ।
जर्मन स्वास्थ्य अधिकारीहरूले मंगलबार जर्मनीमा ओमिक्रोन भेरियन्टको थप तिन हजार दुई सय १८ जनामा फेला पारेका छन् जुन एकै दिनमा ४५ प्रतिशतले व्रिद्दि भएको हो ।
संक्रामक रोगहरूको लागि रोबर्ट कोच इन्स्टिच्युटले ओमिक्रोन भेरियन्टको कुल १० हजार चार सय ४२ घटना पत्ता लगाएको घोषणा गरेको छ । ओमिक्रोन छिट्टैनै कोरोनाको प्रमुख संस्करण बन्न सक्ने उल्लेख गरेको छ ।
युरोपको सबैभन्दा ठूलो अर्थतन्त्र भएको जर्मानीले यस अघिनै नाइटक्लबहरू बन्द गर्नुको साथै खेलकुद प्रतियोगिताहरु दर्शकबिनानै खेल्नुपर्ने घोषणा गरिसकेको छ ।
अत्यधिक संक्रामक ओमिक्रोन भेरियन्टले गर्दा नेदरल्याण्ड्स र स्विट्जरल्याण्ड दुबैले मंगलबार आफ्नो देशको प्रमुख तनाव भएको बताएका छन् ।
फ्रान्स, ग्रीस र पोर्चुगल लगायतका धेरै ईयु मुलुकमा मंगलबार दैनिक संक्रामक संख्या बढेको मेडियाहरुले उल्लेख गरेका छन् ।
फिनल्याण्डले मंगलबार खोप नभएका विदेशी यात्रुहरूलाई आफ्नो देशमा प्रवेश गर्नबाट प्रतिबन्ध लगाउने घोषणा गरेको छ । आफ्नो देशका बासिन्दा, जरुरी पेशाका कामदार वा कूटनीतिज्ञहरूलाई मात्र छुट दिइने बताएका छन् ।
स्वीडेनले मंगलबारदेखि आफ्नो देशमा प्रवेश गर्नेहरुलाई खोप लगाएको भएपनि कोरोना भाईर परिक्षणको नकारात्मक प्रमाण देखाउनुपर्ने नियम बनाएको छ । डेनमार्कले यहि नियम केहि दिन अघिदेखिनै लागु गरिसकेको छ ।
जर्मनीमा निजी भेलापनि जम्मा १० जनामा सिमित गरिएको छ र तिनले खोप लगाएको हुनुपर्छ । खोप नलगाएको अवस्थामा जम्मा दुई घरका परिवार मात्रै जम्मा हुनसक्छन् ।
बेल्जियममा पनि प्रधानमन्त्री अलेक्जेन्डर डे क्रोले नाईटक्लव, सांस्क्रितिक कार्यक्रम र थिएटर लगायतका मनोरन्जनस्थलहरु बन्दको घोषणा गरेका थिए । तर बेल्जियमको अदालतले मनोरञ्जन स्थलहरू बन्द गर्ने आदेशलाई निलम्बन गरेर थप प्रतिबन्धहरू लागू गर्ने प्रधानमन्त्री अलेक्ज्याण्डर डे क्रोको योजनालाई विफल पारिदिएको युरोन्युजले उल्लेख गरेको छ ।
यसैबिच गत शुक्रवार देखि हालसम्म कोरोना संक्राणकै कारण ११ हजार पाँच सय अन्तर्राष्ट्रिय उडानहरु रद्द गरिएको र दशौं हजार उडान ढिलाई गरिएको फ्रान्सेली मेडियाले उल्लेख गरेका छन् ।
धेरै एयरलाइन्सहरूले ओमिक्रोन संक्रमण ब्यापक रुपमा बढेकाले उडान रद्द हुनुमा कर्मचारी अभावलाई दोष दिएका छन् ।
