शेष घलेको महाधिवेशन स्थगित, सहमतिका बुँदासहित दुबै पक्ष वार्तामा ब्यस्त
मार्च २२ मंगलवार देखि काठमाडौंमा शुरु भएको शेष घले पक्षिय एनआरएनको अधिवेशन बुधवार अपरान्ह देखि दुई पक्षिय वार्तका लागि भन्दै स्थगन गरिएको छ ।
घलेले अधिवेशन स्थगन गरेर अध्यक्ष कुमार पन्तको टोलीसँग वार्ता गरिरहेका छन । सम्मेलनमा उपस्थित एक जना अभियन्ताका अनुसार भर्खरै सम्मेलन स्थगन गरिएको छ र दुई पक्ष विच वार्ता शुरु भएको छ ।
वार्तामा संस्थापन पक्षका तर्फबाट कुमार पन्त, बद्री केसी लगायत छन भने अर्को तर्फबाट शेष घले, सोनाम लामा, मन केसी र कुल आचार्य छन ।
आजै बेलुकासम्म घले र पन्त पक्षले सहमतिमा हस्ताक्षर गर्ने अभियन्ताहरुको दावी छ । कुल आचार्यले मंगलवार संस्थापना पक्षसँग सहमति गरेपछी घले समुह दवावमा छ ।
घले पक्षिय एकजना अभियन्ता भन्छन- शेषजीले संस्था विभाजनको दोष आफ्नो थाप्लोमा राख्न चाहनु भएको छैन । र उहाँका मागहरु पनि सामान्य छन ।”
घलेले राखेको माग अनुसार आफ्ना केही मान्छेहरुलाई कार्य समितिमा राख्नु पर्ने, आइसीसीको ८२ औं बैंठकका निर्णयहरु खारेज गर्नुपर्ने र आफुले आव्हान गरेको अधिवेशलाई नै सहमतिको अधिवेशनको रुप दिनुपर्ने लगायत छन ।
सहमतीका लागि यि मागहरु खासै ठुला माग होइनन । त्यसैले आजै सबै जनाले हस्ताक्षर गर्ने सम्भावना छ ।
विवादका शुरुवाती दिनहरुमा नेपाली कांग्रेसले पक्षधरता देखाएर आफ्नो पक्षमा समर्थन जनाएपछी शेष घले निकै उत्साहित थिए । तर अन्तिममा आएर नेपाली कांग्रेसले उनको साथ छोडेको थियो ।
गत सोमवार परराष्ट्र मन्त्री नारायण खड्काले घलेसँग आधा घण्टा छलफल गर्दा पनि घलेले नमानेपछी नेपाली कांग्रेसले कुल आचार्यलाई सहमतिका लागि दवाव दिएको थियो ।
“कुल आचार्य एक्लै सहमतिमा नजाने घले पक्षको आँकलन गलत भएपछी नै उनिहरु दवावमा थिए र सुरक्षित अवतरणको खोजिमा थिए । त्यसैले पनि अहिले घलेले राखेका मागहरु निकै सामान्य छन र संस्थापन पक्षले विना अवरोध सहमती जनाउन सक्छ” ति अभियन्ताको दावी छ ।
