बेल्जियमको ब्रुग शहरमा पाईपलाईनबाट घरघरै बियर
पाईपलाईनबाट घरघरमा ग्यासको सुविधा र चर्चा त नेपालमापनि सुनेकै हो । तर बेल्जियमको एउटा शहरमा भने विश्वमै पहिलो पटक पाईपलाईनबाट घरघरै बियर पुर्याईएको छ ।
पहिले पहिले कल्पना गरिएपनि घरघरै बियरको पाईपलाईन पुर्याउनु अब कल्पनाको विषय रहेन । बेल्जियमको ब्रुग शहरमा सन् २०१६ को सेप्टेम्बर तेस्रो हप्तादेखिनै विश्वको पहिलो बियर पाइपलाइन खोलिएको थियो ।
तीन दशमलव दुई सय किमीको पाइपले सहरको ऐतिहासिक केन्द्रमा रहेको हाल्वे मान ब्रुअरीलाई उपनगरमा रहेको बोटलिङ प्लान्टसँग जोडिदिएपछि यो संभव बनेको हो ।
ब्रुग मध्ययुगिन शहर हो । पुराना घर र साँघुरा गल्लीमा बियर बोकेर चर्को आवाज आउने हुनाले त्यसलाई रोक्नपनि बियर पाईपलाईन जोडेको भनाई बियर उत्पादक ब्रुवरीको छ ।
ब्रुगको पुरानो शहर एक युनेस्को विश्व सम्पदा स्थल पनि हो। हाल्भ मान बेल्जियममा सबैभन्दा छिटो लोकप्रियता हासिल गरेको ब्रुअरीहरू मध्ये एक हो, र यसले बियर बितरण गर्दा ट्राफिक जाम बढाउँदै लगेको थियो ।
पाइपलाइनको अर्थ ब्रुअरी टाउन सेन्टर भित्र पहिले जहाँ थियो त्यहि स्थानमा रहेको छ जहाँ यसले विगत ५०० वर्षदेखि मदिरा बनाउँदै आएको छ। पछिल्लो बियर ट्याङ्करले सन् २०१६ को सेप्टेम्बर तेस्रो हप्ता ब्रुअरी छोडेको ब्रुअरीका ब्यवस्थापक हाल्भ मानले बताएको छ । पाइपलाइन ऐतिहासिक शहर केन्द्र अन्तर्गत चल्छ।
पाइपलाइन आंशिक रूपमा क्राउडफन्डिङ अभियानद्वारा आर्थिक सहयोग गरिएको थियो, जसले ४० लाख युरो भन्दा बढि उठायो। हाल्भ मानले बेल्जियममा क्राउडफन्डिङको रेकर्ड बनाएको बताएको छ ।
पाइपलाइन ३,२७६ मिटर लामो छ, र यसको गहिराई जमिनबाट ३४ मिटर छ । यो सहरको ऐतिहासिक नहर र राम्पार्ट भन्ने स्थल भएर जान्छ । एक घण्टामा यसको पाइपलाइनबाट करिब ४,००० लिटर बियर बग्छ जसबाट १२,००० बोतल भर्न पुग्छ ।
बियरको गुणस्तर कायम राखिएको सुनिश्चित गर्न ब्रुअरी नयाँ प्रविधिले सुसज्जित छ । यसमा पाइप सफा राख्नको लागि सफा गर्ने र फ्लस गर्ने प्रणाली पनि छ ।
