बुधबार, जेठ १६, २०८१

नेपाली राहदानीको लागि पोल्याण्डमा तीन दिने घुम्ती सेवा

नेपालप्लस संवाददाता/ जर्मनी२०८० असोज २७ गते १२:४३

पोल्याण्डमा रहेका नेपालीहरुलाई नेपाली राहदानी बितरण तथा नविकरणका लागि तीन दिने घुम्ती सेवा आयोजना गरिएको छ ।

बर्लिनस्थित नेपाली दूतावासको सहयोग तथा वार्सास्थित अवैतनिक वाणिज्यदूतावासको सहकार्यमा विद्युतीय राहदानीको फारम र बायोमेट्रिक सङ्कलन गर्नका लागि तीन दिने घुम्ती सेवा आयोजना गरिएको हो ।

त्यसको सुपरिवेक्षण जर्मनीका लागि नेपाली राजदूत रामकाजी खड्का तथा समन्वय पोल्याण्डका लागि अवैतनिक वाणिज्यदूत डा. बोधराज सुवेदीले गरेका थिए ।

पोल्याण्डको राजधानी वार्सामा अक्टोवर ७ देखि ९ सम्म संचालन भएको घुम्ती सेवामा २४९ जनाले नयाँ राहदानीको लागि आवेदन दिएका छन् ।

पोल्याण्डमा रहेका नेपालीहरुको नयाँ राहदानी बनाउन वायोमेट्रिक संकलनको लागि परराष्ट्र मन्त्रालय नेपालद्वारा वर्लिनस्थित नेपाली दूतावास र पोल्याण्डको लागि अवैतनिक वाणिज्यदूतावासको रोहबरमा घुम्ती सेवा संचालन गर्ने सम्बन्धि निर्णय बमोजिम सो सेवा सम्पन्न भएको हो।

सन् २०२४ सेप्टेम्वर ३० सम्म म्याद भएका राहदानी नवीकरण तथा नयाँ विद्युतीय राहदानी (ई-पासपोर्ट) को लागि फारम र बायोमेट्रिक सङ्कलन गर्नका लागि घुम्ती सेवा गरिएको हो।

सो घुम्ती सेवामा म्याद सकिन लागेका पासपोर्टका साथसाथै हराएका, नाम बिग्रिएका नेपालीहरुले नयाँ पासपोर्टको लागि आवेदन दिएका छन्। यसरी आवेदन दिएका आवेदकहरुले दुई महिना भित्रमा पासपोर्ट प्राप्त गर्ने जानकारी अवैतनिक वाणिज्यदूत डा. सुवेदीले दिए।

पोल्याण्डका विभिन्न शहरहरुमा छरिएर रहेका नेपालीहरुलाई राहदानी तयार भएर आएपछि चाहनेहरूलाई उनीहरुकै ठेगानामा कुरियरद्वारा पठाइने व्यवस्था मिलाइएको छ।

बर्लिनस्थित नेपाली दूतावासले रोमानिया, चेक रिपव्लिक र हंगेरीमा यस्ता सेवाको व्यवस्था गरिरहेको छ । गत अप्रिल १-३ मा पहिलोपटक पोल्याण्डमा यस्तो सेवाको संचालन गरिएको थियो ।

पोल्याण्डमा नेपाली दूतावास नभएकोले त्यहाँ रहेका नेपालीहरु राहदानी साथै अन्य कागजपत्रको लागि बर्लिनस्थित नेपाली दूतावास धाउनु पर्ने समस्यालाई घुम्ती सेवाले सहज बनाएको छ । घुम्ती सेवा सम्पन्न गर्नका लागि जर्मनीस्थित नेपाली दूतावासबाट खटिएर श्रीमती नानु थापा आएकी थिइन् ।

गैर आवासीय नेपाली संघ राष्ट्रिय समन्वय परिषद (एनआरएनए) पोल्याण्डका पदाधिकारीहरुको सक्रिय सहभागिता थियो । उपाध्यक्ष कुल वहादूर श्रेष्ठ, महासचिव पवन खड्का, सचिव उदयराज गिरी, सदस्य प्रजल रेग्मी र विवस हाडॅराई, जीवन लुईटेल, यूवराज वराल) ले सहयोग गरेका थिए ।

त्यस्तै, सहकार्यमा आजित घुम्ती शिविरमा पोल्याण्डमा रहेका समाजसेवीहरु डा. एलिनी पोख्रेल सुवेदी (एनआरएनए आइसिसी महिला सचिव), मित्रलाल पार्दे (ईनास ग्लोवलका उपाध्यक्ष), सुसन परियार (अन्तरराष्ट्रीय साहित्य समाज पोल्याण्डका अध्यक्ष), विवेक पौडेल (ईनास पोल्याण्डका अध्यक्ष), भिम परियार (जनसम्पर्क समिति पोल्याण्डका अध्यक्ष), सुरेन्द्र् आचार्य (जन सम्पर्क समिति पोल्याण्डका महामन्त्री), आशिष श्रेष्ठ (जनसम्पर्क समिति पोल्याण्डका सचिव तथा प्रवक्ता), निश्चल सुवेदी, सर्वोदय थापा, श्रयास्कर शाह, लाल प्रसाद निउरे, शिवधर महतो, मुकुन्दहरि चालिसे, अभिषेक अधिकारी, झलक पोखरेल, टेक व. खत्री, सागर भुजेल र मनिष दहाल लगायतका स्वयंसेवकहरुले सहयोग गरेका थिए ।

स्वयमसेवकहरुलाई खानाको व्यवस्था भान्छा रेष्टुरेन्टले गरेको थियो भने हलको सुविधा हाउस अफ कल्चर, केएडिआरले उपलव्ध गराएको थियो।

तपाइँको प्रतिक्रिया

फेसबुक