डेनमार्कका नेपालीहरुले हाईब्रिड सम्मेलन गर्दै

डेनमार्कलाई कार्यथलो बनाएर काम गरिरहेका एकाडेमिक्स तथा फ्रोफेशनलहरु (शैक्षिक तथा पेशागत) ब्यक्तिहरुले एक आपसमा जोडिने तथा नजिकिने प्रमुख उद्देश्य राखेर हाईब्रिड (उच्च नस्ल) सम्मेलन गर्ने भएका छन ।

डेनमार्कका सकृय सामाजिक अगुवाहरुको बिचमा एक अनलाईन बैठक राखेर नेप्साप (द नेपलिज साईन्टिफिक-एकाडेमिक एण्ड प्रोफेसनल प्यानल इन डेनमार्क) ले उक्त सेमिनारबारे औपचारिक जानकारी गराएको हो ।

उक्त सम्मेलनमा बिभिन्न पाँच बिधामा आधारित बिधागत रुपमा पाँच सत्र चल्ने र प्रत्येक सत्र पछि सन्जाल सत्र (नेटवर्किङ सेसन) रहने आयोजकले बताएका छन । उक्त सत्रमा सहभागीहरुले आफ्ना चासोको क्षेत्रका बिज्ञ तथा पेशागत ब्यक्तित्वहरुसँग सञ्जाल निर्माणको मौका पाउने आयोजकको दावी छ ।

विध्यार्थी तथा पेशागत प्रवेशको चरणमा रहेकाहरुको लागि सञ्जाल नीर्माण गर्न यो सम्मेलन सुनौलो अवसर हुन सक्ने नेप्साप का संयोजक डा खेम बहादुर अधिकारीले बताए ।

कोपनहेगन विश्वविध्यालय, फ्रेडरिक्सब्याको सभाहलमा आगामी सेप्टेम्वर ७ शनिवार बिहान ९ बजेबाट साँझ ५ बजे सम्म उक्त कार्यक्रम चल्ने छ । सम्मेलन भर्चुवल र फिजिकल (अनलाईन र सशरिर) दुवै रहने हाईब्रिड मोडेलमा हुने सम्मेलन कोअर्डिनेटर डा शैलेश मल्लले बताए ।

सेमिनारमा भौतिक रुपमा सहभागी हुन चाहनेहरुले आफ्नो नाम समयमै दर्ता गर्न पनि आयोजकले अनुरोध गरेका छन । अनलाइन सहभागिता जनाउन चाहनेहरुका लागि चाँडैनै जुम लिङक उपलव्ध गराउने अध्यक्ष अधिकारीले बताए ।