कांग्रेस नेता थापा, खड्का सहित एनआरएनएको गोप्य वार्ता, दोस्रो वार्ता अध्यक्षका प्रत्यासीसहित गरिने
गैर आवाशीय नेपाली संघ (एनआरएनए) को विवाद समाधान गर्न भन्दै नेपाली कांग्रेसका नेता पूर्ण बहादुर खड्का, गगन थापा र एनआरएनएका तर्फबाट कोषाध्यक्ष महेश श्रेष्ठ, संरक्षक जीवा लामिछानेसहितको वार्ता चलिरहेको छ ।
वार्तास्थल गोप्य राखिएको छ ।
वार्ता एमाले अध्यक्ष केपी शर्मा ओलीसहितको समर्थनमा हुन लागेको हो । अध्यक्ष केपी ओली सहित भेट्नुपरेपनि आफूले भेटेर सहमतिकालागि प्रयास गर्ने कांग्रेस नेता गगन थापाले आस्वाशन दिएको स्रोतले बताएको छ ।
वार्तामा शेष घले पक्षबाट कोहिपनि संलग्न छैन । कांग्रेस नेताहरु घले पक्षलाई वार्तामा संलग्न गराउन अनिच्क्षुक देखिएका हुन् ।
यदि सहमति भएमा परराष्ट्र मन्त्रालय र पाटन उच्च अदालतमा परेका मुद्दापनि फिर्ता लिने प्रस्ताव कांग्रेस नेता पूर्ण बहादुर खड्का र गगन थापाले प्रस्तुत गरेका छन् ।
राजनितिक रुपमा पार्टीहरुको समर्थन जुटाईसकेपछि सहमति भएको खण्डमा मात्रै अध्यक्षका प्रत्यासीहरु बिच वार्ता गरिने एनआरएनएको उच्चस्रोतले नेपालप्लसलाई बताएको छ ।
वार्तामा सहमतिकालागि बिभिन्न खाले बिकल्पमा कुराकानी गरिने छ । ति मध्ये सबैभन्दा प्रमुख एनआरएनएको आगामी कार्यकाल तीन वर्षकोलागि बनाईने र अध्यक्षका तीनै जना प्रत्याशीले एक एक वर्ष चलाउने भन्ने छ ।
त्यसमा सहमति हुन नसकेमा तीनै जना अध्यक्ष बनाउने र ति तीन जना मध्ये कार्यकारी, आलंकारिक, काम चलाउ अध्यक्ष र सम्मानित अध्यक्ष यस्तै कुनै फुर्को जोडेर भागवण्डा गरिने प्रस्तावलाईपनि बिकल्पको रुपमा हेरिएको छ ।
वार्तामा सहभागि हुन अनिच्क्षुक देखिएका जीवा लामिछानेलाई पूर्ण बहादुर खड्का र गगन थापाले जोडजुलुम गरेपछि सहभागि भएको स्रोतको भनाई छ ।
वार्ताकालागि अध्यक्ष कुमार पन्तलेपनि समर्थन जनाएका छन् र उनी बिहिवारसम्म नेपाल पुग्ने कार्यक्रम रहेको छ । पन्तसित सम्पर्क गर्न खोज्दा पन्त सम्पर्कमा आएनन् ।
तर राजनितिक पार्टीको नेत्रित्व र संलग्नतामा हुने वार्ताले संस्थालाई झनै राजनितिकरण गर्ने, एनआरएनएलाई राजनितिक दलको भगिनी संगठन बनाउने र संस्था झनै धराशायी हुने भन्दै अभियन्ताहरुले चिन्ता ब्यक्त गरेका छन् ।
एनआरएनएलाई राजनितिक दलको हस्तक्षेपबाट अलग राख्नुपर्ने माग बढीरहेका बेला उल्टै राजनितिक दलका नेताहरुलाईनै संलग्न बनाएर निकाश खोज्ने प्रयासले आम एनआरएनएका सदस्य र अभियन्ताहरुमा कुठाराघात हुने भनाई अभियन्ताहरुको छ ।
यसरि राजनितिक दलका नेतासित वार्ता गरेर झनै राजनितिक हस्तक्षेप निम्त्याउने, राजनितिक पार्टीलाई आधिकारिक रुपमै संलग्न गराउने र विधान बिपरितका सहमति गर्ने हो भने त्यस्तो सहमति आफूहरुलाई मान्य नहुने भन्दै केहि अभियन्ताहरुले चेतावनी दिएको स्रोतले बतायो । राजनितिक पार्टीको संलग्नतामा गरिने सहमति आफूहरुको लागि मान्य नहुने भन्दै अभियानबाटै बाहिरिने भनाईपनि केहिको छ ।
नेपालप्लसले यो समाचार लेख्दासम्म वार्ता चलिरहेको छ ।
एनआरएनएलाई आफ्नै नितिनियम र विधान अनुसार चल्न दिनुपर्ने, फुट हुन कुनैपनि हालतमा दिननहुने, एनआरएएन फुटको अपजस नेपाली कांग्रेसले बोक्न नहुने भन्दै कांग्रेस नेता गगन थापाले केहि दिनदेखिनै पहल गरिरहेका छन् ।
