बेलायतको मध्य भागमा हिन्दू-मुस्लिमबिच तनाव, भारत र पाकिस्तानका दुतावासद्वारा आरोप प्रत्यारोप

Image-Roshan M Salih via Twitter

बेलायतको मध्य भाग लेस्टरको सडकमा हिन्दू र मुस्लिम समुदायका युवाहरूबिच झडप भएको छ । ति दुई समूहको झडप परेका बेला भारत र पाकिस्तानका दुतावासले भने एक अर्कामाथि आरोप प्रत्यारोप गरेका छन् ।

अगस्ट २८ देखिका भिडियोहरू हेर्दा मास्क लगाएका युवाहरूको समूहलाई बढ्दो तनावको बीचमा सडकमा निस्किरहेको देखाइएको छ । सामुदायिक नेताहरूले दुबै पक्षलाई शान्त हुन आह्वान गरेका छन् । पर्यवेक्षक लगायत धेरै मानिसहरूलाई आगामी हप्ताहरूमा हिंसा फेरि सुरु हुने डर छ ।

सेप्टेम्बर १९ मा हिन्दू र मुस्लिम समुदायका प्रतिनिधिहरू लेस्टरको जामे मस्जिदबाहिर भेला भएका थिए । हिन्दू र मुस्लिमहरू संलग्न भएको बेला त्यहाँ दोहोरो झडप भएको थियो । त्यसपछि समुदायका प्रतिनिधिहरुले घृणा फैलाउनेहरूलाई आफ्नो शहर छोडेर बाहिरिन आव्हान गरेका थिए ।

दोहोरो तनावले पछिल्लो समयमा भूराजनीतिक मोड लिएको छ। लन्डनमा रहेका भारतीय र पाकिस्तानी दूतावासहरूले हालैका घटनाहरूमा आफ्ना आफ्ना बयान जारी गरेका छन् । आफ्नो बयानमा भारतले भारतीय समुदाय विरुद्ध हिंसा” भनेको छ भने पाकिस्तानले भारतको इस्लामफोबिक घटनाहरू भन्दै उल्लेख गरेको छ ।

“धेरैले हिन्दू समुदायलाई औंला उठाए, तर आक्रमणकारीहरू आरएसएस समर्थकहरू थिए” हिन्दू समर्थकहरुले आरोप लगाएका छन् ।

Image-Twitter

फ्रंस २४ का पर्यवेक्षक डी पटेल विगत १५ वर्षदेखि लेस्टरमा बस्दै आएका छन् । सेप्टेम्बर २० मा बर्मिंघमको उपनगर स्मेथविकमा रहेको हिन्दू मन्दिर बाहिर यस क्षेत्रमा नयाँ तनाव उत्पन्न भएपछि उनी भविष्यको लागि डराएको फ्रंस २४ को रिपोर्टमा उल्लेख छ ।

उनले फ्रंस २४ लाई भने “लेस्टर शहरमा गत आइतवारदेखि कुनै नयाँ विस्फोट भएको छैन । र मलाई लाग्छ कि यो केही दिन शान्त रहनेछ । तर व्हाट्सएप जस्ता सामाजिक समूहहरूमा साझेदारी गरिएका धेरै भ्वाइस सन्देशहरूले सुझाव दिन्छ कि यो समाप्त भएको छैन।”

गत अगस्ट २८ मा पूर्वी लेस्टरको बेलग्राभ क्षेत्रमा सुरु भएको थियो तनाव । दर्जनौं पुरुष थिए र तिनमा केहीले भारतीय झण्डा बोकेका थिए । एसियाली क्रिकेट कपमा पाकिस्तानमाथि आफ्नो टोलीको जितपछि र्‍याली गर्दै थिए।

धेरै व्यक्तिहरूले एक सिख व्यक्तिलाई हिंसात्मक रूपमा आक्रमण गर्नु अघि जुलूस अघि बढ्दै जाँदा “पाकिस्तानको मृत्यु” भन्ने नारा सुनिएको थियो ।

यस घटनालाई मिडल्याण्ड्स सहरमा अन्तर-साम्प्रदायिक तनावको सुरुवात बिन्दुको रूपमा प्रस्तुत गरिएको थियो, जसलाई धेरैले हिन्दू र मुस्लिम समुदायहरू बीचको विरोधको रूपमा व्याख्या गरेका थिए ।

तर फ्रंस २४ का पर्यवेक्षक यो घटनाहरूको ब्याख्यासँग असहमत भए:

“लेस्टर एक अपेक्षाकृत मिश्रित शहर हो । अन्य सहरहरू भन्दा फरक छ । यहाँ मानिसहरू सँगै बस्छन्-मुस्लिम, हिन्दू । विगत ५० वर्षमा कहिल्यै कुनै समस्या आएको छैन

Image-Roshan M Salih via Twitter

[फ्रंस २४ का सम्पादकको टिप्पणी: भारतीय अध्यागमनको पहिलो लहरदेखि]। पहिलो समस्या गत मेमा भएको थियो, जब एक किशोरलाई करिब ३० जनाले आक्रमण गरेका थिए। धेरैले हिन्दू समुदायप्रति औंला उठाए तर आक्रमणकारीहरू आरएसएस समर्थकहरू थिए ।

आर एस एस (राष्ट्रिय स्वयंसेवक संघ) एक दक्षिणपन्थी हिन्दू राष्ट्रवादी अर्धसैनिक समूह हो, जसमा गान्धीको हत्यारा पनि समावेश छ ।

धेरै साना छिटपुट घटनाहरू भैरहेपनि अगस्ट २८ को घटनाहरू पछि शहरमा शान्ति फर्किएको थियो। तर सेप्टेम्बर १७ मा युवा हिन्दू चरमपन्थीहरूले गरेको अघोषित मार्चको क्रममा स्थितिले फेरि खराब मोड लियो। जुलुस सहरको पूर्वमा मुस्लिम बाहुल्य रहेको आवासीय क्षेत्रमा प्रवेश गरेको थियो । लन्डनका केही प्रदर्शनकारीहरूले “जय श्री राम” नारा लगाएका थिए । यो भारतमा मुस्लिम विरोधी घृणाको पर्यायवाची मानिन्छ ।

त्यसपछि साँझ काउन्टर-प्रदर्शनकारीहरूले हिन्दू चरमपन्थी जुलुसको सामना गर्न भन्दै जुलुस निकाले । तिनलाई प्रहरीले घेरा लगाएर अलग पारेको थियो । तिनीहरूले सिसाका बोतलहरू मिल्काएर आक्रोशित बनाएका थिए ।

पटेलले त्यसपछि के भयो वर्णन गरे:

विरोध प्रदर्शनकारीहरू पछि साँझ लड्न आएका युवाहरूसित सामेल भए । तिनीहरूमध्ये धेरै बर्मिंघमका थिए। र त्यहाँ हिन्दू मन्दिरमा क्षति पुर्‍याएका थिए । झ्यालहरू फुटाल्ने र कारका सिसा तोडफोड जस्ता मूर्ख विस्फोटहरू गराएका थिए।

“आरएसएस समर्थकहरू फेरि आउनेछन् । धेरैले तनाव क्रिकेटको बारेमा हो भन्ने सोचेका थिए । त्यसैले उनीहरू यसमा संलग्न भएनन्। तर अब उनीहरूले बुझेका छन्, क्रिकेटबारे होइन भन्ने । र भविष्यमा ति बाहिर आउनेछन्, यो क्रिकेटको समस्या होइन, यो आरएसएसको समस्या हो।”

अगस्टको अन्त्यमा तनाव उत्पन्न भएदेखि ४७ जनालाई पक्राउ गरिएको सेप्टेम्बर २१ मा लेस्टरशायर प्रहरीले घोषणा गरेको थियो ।