पौडी खेल्दा हुने दुर्घटना रोक्न पौडीबाज कुकुरहरू तैनाथ

उद्दारकालागि पौडीबाज कुकुर । Photo-Ti-press, Screen shot via swissinfo.ch

स्विजरल्याण्डको लुगानो शहरमा नुहाउनेहरूको डुबेर मृत्यु नहोस् भनी उद्धारका लागि कुकुरहरु तैनाथ गरिएको छ ।

जुलाई र अगस्ट अत्यधिक गर्मी महिना भएकाले मानिसहरु धेरै पौडी खेल्ने हुँदा पानीमा डुब्न लागेकालाई उद्धार गर्न पौडीबाज कुकुरहरु तैनाथ गरिएको हो ।

पौडी खेल्नेलाई उद्धारको सुनिश्चित गर्न जुलाई र अगस्टको सप्ताहन्तमा पाइलट प्रोजेक्टनै लागू भइरहेको छ।

यस गर्मीमा पहिलो पटक, इटालीमा प्रशिक्षित जल उद्धार कुकुरहरू पौडी खेल्ने दुर्घटनाहरू रोक्न दक्षिणी स्विजरल्याण्डको लुगानो तालमा तैनाथ गरिएको हो ।

यो प्रोजेक्टको परिकल्पनाकार प्याट्रिक टेम्पोबोनो, हुन् जो लुगानो लाइफ सेभिङ सोसाइटीका अध्यक्ष हुन् । स्विट्जरल्याण्डमा हरेक वर्ष घातक पौडी दुर्घटनाहरू हुने गरेका छन् । सन् २०२३ मा लगभग २० मानिसहरूले पौडी खेल्दा आफ्नो ज्यान गुमाइसकेका छन् । त्यसैले यो परियोजना अघि सारिएको हो ।

योपनि : पशुलाई यातना दिएको आरोपमा घोडा पालकलाई आठ महिना जेल

कुकुरहरूले विशेष खालको लाइफ ज्याकेटहरू लगाउँछन् जसले तिनीहरूलाई एकै समयमा तीन जनासम्म ब्यक्तिलाई पानीबाट बाहिर निकाल्न सक्षम बनाउँछ । तिनीहरू लुगानोमा सबैभन्दा लोकप्रिय नुहाउने ठाउँहरूबाट वार्म-अप अभ्यासहरू पनि गर्छन्, जसले नुहाउनेहरूको ध्यान आकर्षित गर्दछ। यसरी, लाइफ सेभिङ सोसाइटीका सदस्यहरूले पौडी खेल्ने खतराहरूबारे चेतना जगाउन पनि कुकुरबाटै शिक्षा लिन सक्छन्।

कुकुरहरूले दुर्घटनाहरू रोक्न मात्र होइन आपतकालीन अवस्थामा जीवन बचाउन पनि सक्छन्। हालसम्म देशमा आधिकारिक तालिमको सुविधा छैन । कुकुरहरूलाई मिलान शहरमा इटालियन स्कूलद्वारा उद्धार कुकुरहरूको लागि तालिम दिइएको छ । अहिले त्यस्ता धेरै दक्ष कुकुरहरु इटालियन समुद्र तटहरूमा तैनाथ गरिएको छ।

विद्यालयका संस्थापक, फेरुसियो पिलेंगा, बताउँछन् “कुकुरहरू र तिनीहरूका मालिकहरूले उद्दार कार्यका लागि तयार हुनु अघि उनीहरूलाई धेरै महिनाको गहन प्रशिक्षण चाहिन्छ ।”

यस अघि बाढी पीडितहरूको शव फेला पार्न जर्मनीमा स्विस कुकुरहरू तैनाथ गरिएको थियो ।

योपनि : कोरोना लागेका ब्यक्ति पत्ता लगाउन स्विजरल्याण्डमा कुकुरलाई तालिम

त्यसैले लुगानोका मानिसहरूले पहिले नै यस तालिमबारे सोचिरहेका थिए । यो परियोजनालाई थप कार्यान्वयन गर्न चाहन्छन्। “हाम्रो लक्ष्य अर्को वर्ष कुकुरहरूलाई तालिम दिनको लागि आफ्नै प्रशिक्षण केन्द्र स्थापना गर्ने छ,” प्याट्रिक टेम्पोबोनो भन्छन् ।

यसले अधिकारीहरूलाई नदी र तालहरूमा डुब्ने खतराबाट अझ राम्रोसँग जोगाउन अनुमति दिनेछ। “लुगानोमा, सौभाग्यवश, हामीले गत वर्ष र यो वर्षको अहिलेसम्म पानीमा कुनै मृत्यु भएन,” सहर काउन्सिलर टिजियानो गालेज्जी भन्छन्।

तर उनी हालैका वर्षहरूमा मृत्युको संख्या बढेको समेत बताउँछन्। विशेष गरी “पौडिन नसक्ने वा क्यान्टोन टिसिनो बाहिरबाट आएका र स्थानीय पानीसँग परिचित नभएका मानिसहरू बढी डुबेको भनाई उनको छ ।