विध्यार्थीलाई ठगेको भन्दै मेडिकल कलेजका निर्देशकको घाँटी निमोठ्ने बिप्लवका छोराको धम्की (भिडियोसहित)

भूमिगत नेपाल कम्युनिस्ट पार्टी (नेकपा) का नेत्रित्वकर्ता नेत्रबिक्रम चन्दका पुत्र प्रकाश चन्दले चितवन मेडिकल कलेजका निर्देशक डाक्टर हरिशचन्द्र न्यौपानेको घरैमा गएर घाँटी अँठ्याउने धम्कि दिएका छन् ।

चिकित्सा क्षेत्रका बिध्यार्थीहरुमाथि परिक्षा दस्तुरका नाममा ठगी गरेको भन्दै उनले न्यौपानेलाई यस्तो धम्की दिएका हुन् । चितवन मेडिकल कलेजले आइ ओ एम (इन्स्टिचुट अफ मेडिसिन नेपाल) ले तोकेको परिक्षा दस्तुर भन्दा दोब्बर रकम लिएर विध्यार्थीमाथि ठगि गरेको भन्दै उनले चितवन मेडिकल कलेजका न्यौपानेलाई फोन गरेर घाँटी अँठ्याउने धम्कि दिएका थिए । न्यौपानेलाई धम्काउने क्रममा उनले भनेका छन् ‘बिध्यार्थीहरुमाथि किन ठगेको ? तपाईहरुले तोक्ने हो कि दस्तुर आइ ओ एमले तोक्ने हो ? जवाफ दिनुस् । किन लिनु भो तोकिएभन्दा बढि रकम ?’

उनले चितवन मेडिकल कलेजका निर्देशन डा. हरिस्चन्द्र न्यौपानेलाई फोन गर्दै भनेका छन् ‘तपाईहरु मेडिकल माफिया हो । तपाईले भनेको नियम लाग्ने हो कि आइ ओ एमले भनेको नियम लाग्छ ? विध्यार्थीले भनेमा म तपाईकै घरमा आउन सक्छु । आई ओएमले भनेको दरमा फर्म बुझ्ने कि नबुझ्ने ?’

उनको जवाफमा न्यौपानेको जवाफ थियो ‘हामीले सल्लाह गर्नुपर्छ ।’

उनको उत्तरमा फेरि चन्दले भने ‘तपाइहरु माफिया हो, ठग हो । तपाई माफियाको कति दलाल, माफिया भन्ने हामीलाई नसिकाउनुस् बुझ्नु भो ? विध्यार्थीबाट कति ठग्नुभाको छ भन्ने त लडाइ अर्को छ । ए हरिस ! तपाइले ठूलो कुरा गर्ने होइन । विध्यार्थीका अगाडि बसेर मैले कुरा गरेको छु । तपाईको बिस्तारामा आएर तपाईको घाँटी समात्नसक्ने मान्छे हो, बुझ्नु भो नी ?’

आइ ओ एमले बिध्यार्थीको परिक्षा दस्तुर दुई हजार पाँच सय तोकेको छ । त्यसमा चितवन मेडिकल कलेजले पाँच हजार लिएपछि चन्दले वरिपरि चिकित्सा क्षेत्रकै बिध्यार्थीहरु राखेर निर्देशक न्यौपानेलाई फोन गर्दै यसरि थर्काएका हुन् ।

आई ओ एम (इन्स्टिचुट अफ मेडिसिन नेपाल) चिकित्सा क्षेत्रका बिध्यार्थीहरुकोलागि फर्म माग्ने, दस्तुर तोक्ने संस्था हो ।