अमेरिकाको राष्ट्रपति निर्वाचन परिणाम अझै अनिश्चित : घोषित परिणाममा वाइडेनको अग्रता कायमै

गणना जारी भएका पेन्सिलभेनिया, जर्जिया, नर्थ क्यारोलिना र अलास्कामा ट्रम्प र मिचिगन, मेन, एरिजोना, नेभाडा, र विन्कन्सिन्समा वाइडेन अगाडि

अमेरिकी राष्ट्रपतिको निर्वाचनमा रिपव्लिकन उम्मेद्वार रहेका वर्तमान राष्ट्रपति डोनाल्ड ट्रम्प वा डेमोक्रेटिक पार्टीका उम्मेद्वार रहेका पूर्व राष्ट्रपति जो वाइडेन को विजयी बन्छन् भन्ने अझै पनि प्रष्ट भएको छैन । निर्वाचनको दिनसम्म निकै उत्साहित वनेका डमोक्रेटहरुहरुले अपेक्षा गरेजति मत प्राप्त गर्न सकेका छैनन । तर पनि निरास भइहाल्ने अवस्था भने छैन । अहिलेसम्म घोषित परिणाममा राष्ट्रपति ट्रम्प भन्दा वाइडेन अगाडि छन् । अहिले जारी रहेको गणनाको अग्रता पनि प्रतिश्पर्धात्मक रहेको छ ।

राष्ट्रपति डोनाल्ड ट्रम्पले मिचिगनमा लिइरहेको अग्रता गुमाएको हुँदा वाइडेनको अवस्था केही मजबुत देखिएको हो । तर मतान्तर झिनो मात्रै भएकोले जुनसुकै बेला परिणाम बदलिन सक्छ । राष्ट्रपति ट्रम्पले अहिले पनि पेन्सिलभेनिया, जर्जिया, नर्थ क्यारोलिना र अलास्कामा अग्रता लिइरहेका छन् तथापि पेन्सिलभेनियामा अझै पनि १० लाख भन्दाबढी मत गणना गर्न बाँकी रहेको छ जहाँ ट्रम्प ५ लाख भन्दा बढी मतले अगाडि छन् । वाइडेनले मिचिगन, मेन, एरिजोना, र विन्कन्सिन्समा अग्रता लिइरहेका छन् । एरिजोना र मेन बाहेक अन्यन्त्र वाइडेनले लिएको अग्रता अत्यन्त झिनो मात्रै रहेको छ । तर डेमोक्रेटहरुको अपेक्षा के छ भने हुलाक मार्फत पठाइएका मतहरु गन्न बाँकी रहेको र ती मतमा बढी डेमोक्रेटको लागि परेकोले वाइडेन निर्वाचित हुने संभावना रहेको छ ।

राष्ट्रपति पदमा विजयी हुन २७० इलेक्टोरल मत आवश्यक पर्नेमा अहिलेसम्ममा वाइडेनले २२४ इलेक्टोरल मत प्राप्त गरेका छन् भने ट्रम्पले २१३ इलेक्टोरल मत प्राप्त गरेका छन् । वाइडेनले अहिले अग्रता लिइरहेका सवै राज्यहरुमा जित्दा पनि उनलाई अझै केही मत कम हुन्छकि भन्ने अनुमान गरिएको छ ।

अमेरिकी निर्वाचन परिणाम निकै आश्चर्यजनक रुपमा आइरहेको छ । प्रारम्भ देखिनै घोषित परिणामममा वाइडेनले अग्रता लिइरहेका छन् । तरपनि गणना जारी रहेका स्थानहरुको अग्रताले ट्रम्पलाई निकै आशावादी बनाएको थियो । यहि अग्रताको कारण विहान राति नै ट्रम्पले आफूलाई विजयी घोषित गर्दै सबै गणना रोक्न आग्रह गरेका थिए । तर ट्रम्पको भनाइको कुनै पनि सुनुवाइ हुने छैन र मतदाताको हरेक मत गणना हुने छ । राष्ट्रपति ट्रम्पले मिचिगनको अग्रता नगुमाउँदासम्म पनि उनको विजय सुनिश्चित जस्तो देखिएको थियो । तर मिचिगनको अग्रता गुमाएपछि भने पासा उल्टिएको हो कि जस्तो देखिन्छ ।

यो पटकको निर्वाचनमा डेमोक्रेटले २०१६ को राष्ट्रपति निर्वाचनमा भन्दा धेरै राम्रो गर्न सकेको देखिएन ।

सन् २०१६ को निर्वाचनमा रिपव्लिकन पार्टीले डेमोक्रेटवाट पेन्सिलभेनिया, ओहायो, मिचिगन, विनकन्सिन्स र आइओवा खोसेको थियो जसलाई अहिले मिचिगन र विन्कन्सिन्स वाहेक आफैंसँग राख्न सफल भयो । अघिल्लो निर्वाचनमा रिपव्लिकनले विजय हासिल गरेको एरिजोनामा भने यो पटक डेमोक्रेट पार्टीले अग्रता लिइरहेको छ ।

निर्वाचनको परिणाम आउन केही समय लाग्ने छ । तर पनि राष्ट्रपति ट्रम्प लगातार ट्वीट गरेर निर्वाचनमा गड्वडी गर्न लागिएको दावी गर्दै आफूलाई विजयी घोषित गर्नुपर्ने माग गरिरहेका छन् । उनले अब मत गनेर आफूलाई हराएमा सर्वोच्च अदालत जाने धम्की दिइरहेका छन् भने वाइडेन हरेक मत गन्नुपर्ने पक्षमा छन् । अमेरिकामा धेरै मतहरु हुलाक मार्फत आएकाले पनि सबै मत गनिसक्न समय लाग्नेछ ।