एक जना बेलायतीद्वारा १२० भन्दा बढि स्विसहरुमा कोरोना संक्रमित, नर्सिङ होममा तनाव

स्विजरल्याण्डमा स्की खेल्न आएका एक वेलायतीबाट एक सय २० जनाभन्दा बढि स्विस नागरिकमा बेलायती रुपको कोरोना भाईरस सएको स्विसहरुले दाबी गरेका छन् । त्यसबाहेक अन्य नर्सिङ होममापनि बेलायती रुपको कोरोना भाईरस सरेको छ ।

स्विजरल्याण्डले वेन्जेनको माउन्टेन रिसोर्टसमेत गरी बेलायती रुपको कोरोना भाईरसबाट अत्यधिक संक्रमित भएकामा १२० जना फेला परेका छन् । त्यहाँ एकल बेलायती पर्यटकले उत्परिवर्तित भाइरसलाई यस क्षेत्रमा ल्याएको दाबी स्विसहरुको छ । यहाँ नयाँ रुपको बेलायती कोरोना भाइरस फैलिएपछि विश्व स्की कप दौड रद्द गरियो । तिसिनो सरकारले नर्सिङ होम प्रकोपसँग सम्बन्धित विरामी मध्ये कसैको मृत्यु भएनभएको केहि खुलाएको छैन ।

बेलायतमा उत्परिवर्तित (रुप बदलि भएको) कोरोना भाईरसले स्विजरल्याण्डका नर्सिङ होमहरुमा थप तनाव दिएको छ ।

दक्षिणी स्विजरल्याण्डको एक नर्सिङ होमका तीन चौथाई बासिन्दा र आधा कामदारहरू पहिलो पटक बेलायतमा फेला परेको उत्परिवर्तित (म्युटेड) कोरोना भाइरसबाट संक्रमित भएका छन् ।

इटालियाली भाषा बोलिने तिसिनो प्रान्तमा संक्रमणको श्रृंखला एक पछि अर्को गर्दै द्रुत गतीमा पुन: बढेको स्वास्थ्यकर्मीहरुले बताएका छन् । यसले स्वास्थ्य अधिकारीहरुलाई अनुवंशिक अनुक्रम (जेनेटिक सिक्वेन्सिङ) संचालन गर्न प्रेरित गर्‍यो जसले बेलायतमा विकास भएको पछिल्लो संस्करण फैलिएको पुष्टि भएको छ ।

प्रान्तिय सरकारले एक विज्ञप्तिमा भनेको छ “यस परिक्षणले प्रकोप द्रुत गतिमा फैलिइरहेको पुष्टि गरेको छ । सुरक्षाकर्मीले राखेका सुरक्षात्मक उपायको बाबजुद करिब आधा कर्मचारी र तीन चौथाई पाहुनाहरू बेलायती रुपको विकसित भाईरसबाट सकारात्मक छन् ।”

बेलायती उत्परिवर्तित रुपको कोरोना भाइरस तिब्ररुपमा संक्रमित भएपछि मेन्ड्रिसियो नगरपालिकामा वृद्धहरूका घरमा भ्रमण गर्न बन्द गरिएको छ ।

तिसिनो प्रान्तिय सरकारका अनुसार बेलायती रुपको भाइरसको तनाव गम्भीर छैन, तर बढी संक्रामक छ । संक्रामक बढि भएकाले यसको प्रसारलाई सकेसम्म बढी रोक्नको लागि अझ तीव्र सम्पर्क ट्र्याकिंग आवश्यक परेको उनीहरुको भनाई छ ।

बुधवार स्विट्जरल्याण्डले बेलायती र अन्य रूपका भाईसहरू द्रुत रूपमा फैलिएर अस्पताल र स्वास्थ्य सेवा पूर्वाधारलाई ओझेलमा पर्नसक्ने डरले सम्पर्कहरू घटाउन स्टोरहरु बन्द गर्ने लगायत कडा कदमहरू घोषणा गर्‍यो ।

करिब ८६ लाख जनसंख्या भएको स्विजरल्याण्डमा हालसम्म कोरोना भाइरसको संक्रमणबाट आठ हजार नागरिकको ज्यान गैसकेको छ ।