चिकित्सकहरुद्वारा देशभर ‘रेड अलर्ट’ घोषणा : राजनितिक जोडघटाउ स्थगित गरेर कोरोनाबिरुद्द लड्न आग्रह

नेपालका चिकित्सकहरुको साझा संस्था नेपाल मेडिकल काउन्सिलले समग्र देशलाईनै रेड अलर्टको घोषणा गर्दै सबै राजनितिक दलहरुलाई राजनितिक एजेन्डा त्यागेर एकजुट भई महामारीबिरुद्द लड्न आग्रह गरेको छ । चिकित्सक संघले आज हार्दिक अपिल जारि गर्दै अब केहि महिनाकालागि राजनितिक दल, नागरिक समाज र सबै नागरिक एकजुट भएर भाइरससित लड्ने र महामारीलाई परास्त गर्ने प्राथमिकता बनाउनपनि संघले सबै राजनितिक दलहरुलाई आग्रह गरेको छ ।

उनीहरुको अपिलमा उल्लेख भए अनुसार वैशख २८ गते एकै दिन कोरोना भाईरसबाट ९४८३ जना संक्रमित र २२५ जनाको म्रित्यु भएको छ । त्यस्तै सक्रिय संक्रमितको संख्या ९८ हजार ८ पुगिसकेको छ । अहिले १३८३ जना आसियु र भेन्टिलेटरमा उपचाररत छन् । यो संख्या द्रुतगतिमा बढेकाले स्वास्थ्य प्रणालीले थेग्नै नसक्ने अवस्थामा पुगेकोपनि अपिलमा छ ।

अपिलमा भनिएको छ ‘अस्पताल आ उन नपाएका, आएकालाई फर्काउनु परेको, बचाउन सकिने अवस्था हुँदाहुँदैपनि एक सिलिण्डर अक्सिजन नपाएर आँखा अगाडि मर्नु परेको, परिवारले प्राण जोगाइदिन गरेको अनुनय विनय, अक्सिजन र शैया भन्दै गरेको हारगुहारको ह्रिदयविदारक द्रिष्यले हाम्रो भोग निन्द्रा सबै लगेको छ ।”

यस्तो अवस्थामा पनि सामाजिक सन्जालमा हेर्दा जनताका यि विषय भन्दापनि अन्य विषय प्राथमिकतामा परेको र जनताका यि ह्रिदय विदारक द्रिष्य अर्कै लोकको जस्तो देखिएको चिकित्सकहरुले उल्लेख गरेका छन् ।

यस्तो अवस्था देख्दा अस्पतालमा दिनरात खाटेका चिकित्सकहरुको मन खिन्न हुने, उदेक लाग्ने र नेत्रित्वदायी भूमिकामा रहेकाहरुलाई ‘जनताको जिवनभन्दा अरु केहि कुरा ठूलो हुनसक्छ ?” भनेर प्रश्न गर्न मन लागेको समेत अपिलमा उल्लेख छ ।

चिकित्सकहरुले कोरोनाको पहिलो लहरदेखिनै जुनसुकै बेला भयावह अवस्था अ आ उनसक्छ, आवस्यक तयारि गरौं भनेर निरन्तर झक्झाईरहेपनि समयमा नसुनेको, तयारि नगरेको, प्राथमिकतामा नपार्दा नागरिकले अनाहकमा ज्यान गुमाउनुपरेको र सास्ति ब्यहोर्नुपरेको चिकित्सकहरुले उल्लेख गरेका छन् ।

चिकित्सकहरुले आफ्नो अपिल मार्फत् सबै राजनितिक दलहरुलाई एक ठाउँमा ल्याउन र महामारीबिरुद्द जुट्न अभिभावकको भूमिका निर्वाह गर्न राष्ट्रपतीलाई अपिलसमेत गरेका छन् ।