सहुलितको आवास, शिक्षण शुल्कको अन्त्य र सामाजिक सहयोग माग गर्दै पोर्चुगलमा प्रदर्शन

Photo Source : António Cotrim/Lusa/ https://rr.pt/noticia

देशभरका उच्च शिक्षाका विद्यार्थीहरूले मंगलवार विद्यार्थी दिवस मनाउने क्रममा पोर्चुगलको राजधानी लिस्बनमा सहुलितको आवास, शिक्षण शुल्कको अन्त्य र सामाजिक सहयोगमा थप लगानीको माग गर्दै जुलुस निकालेका  छन ।

“विद्यार्थीहरू सडकमा छन्, संघर्ष जारी छ” यो प्रदर्शनमा सुनिएको नाराहरू मध्ये एक थियो जसले सयौं उच्च शिक्षाका विद्यार्थीहरूलाई लिस्बनको सडकमा उतार्‍यो । यो मार्च रोसियोबाट सुरु भएर पोर्चुगलको संसद, एसेम्बलिया दा रिपब्लिका बाहिर पुगेर रोकिएको थियो ।

“हामी सबैका लागि उच्च शिक्षा चाहन्छौं, तर निकै कम विद्यार्थीहरू उच्च शिक्षामा प्रवेश गरिरहेका छन्, र यो सबैभन्दा बढी प्रभावित हुनेहरू हुन्, किनभने तिनीहरू प्रवेश गर्नै सक्दैनन्,” विरोध प्रदर्शनका आयोजकहरू मध्ये एक, नोभा विश्वविद्यालय लिस्बनको सामाजिक र मानव विज्ञान संकायको विद्यार्थी संघका प्रवक्ताले पोर्गुला दैनिकलाई भने।

सहुलियतमा आवासको अभाव, उच्च शिक्षण शुल्क र विद्यार्थी कल्याण प्रणालीमा कमजोरीहरू मुख्य समस्या रहेको बताएका छन ।

त्यही दिन शिक्षा मन्त्रीले शिक्षण शुल्क कटौती गर्नु “प्रतिगामी” उपाय हुने तर्क गरेका छन जसले “समाजमा उच्च शिक्षाको सम्पूर्ण भार” थप्नेछ। “मन्त्रालयको अडान मुद्रास्फीति दर अनुरूप ट्यूशन शुल्क अद्यावधिक गरिनुपर्छ भन्ने हो” फर्नान्डो अलेक्जान्ड्रेले टिट्रो थालियामा विद्यार्थी नेताहरूसँगको बैठकको अन्त्यमा पत्रकारहरूलाई भने।

वृद्धिको वकालत गरे पनि, फर्नान्डो अलेक्जान्ड्रेले यो मुद्दा अझै पनि राज्य बजेटको भागको रूपमा बहस गर्नु बताए।

विद्यार्थीहरूको अर्को माग, अर्थात् आवास हलहरूको बारेमा सोध्दा, मन्त्रीले अर्को शैक्षिक वर्षमा १४,००० भन्दा बढी शैया वृद्धि हुने आश्वासन दिए।

देशभरका विद्यार्थी संघ (MAE) का ५० भन्दा बढी संस्थाहरूले भाग लिएका थिए, जसमा विद्यार्थी संघहरू, शैक्षिक समूहहरू, परम्परागत विद्यार्थी संगीत समूहहरू र स्थानियहरु समावेश थिए।

शिक्षण शुल्क बढाउने सरकारी प्रस्तावको विरोधमा गत वर्ष अक्टोबरको अन्त्यमा सयौं विद्यार्थीहरू लिस्बनमा निस्किएका थिए।

यद्यपि तिनले विपक्षमा मतदान गरेपछि संसदमा प्रस्ताव अस्वीकार गरिएको थियो।