फ्रान्सका प्रधानमन्त्रीको हजुरबा हजुरआमालाई सुझाव : नातिनातिना भेट्न नजानु

फ्रान्सका प्रधानमन्त्री जँ कास्तोले हजुरबा हजुर आमाहरुलाई एउटा सुझाव दिएका छन् ‘आफ्ना नाती नातिना भेट्न नजानुहोला ।’ कोरोना भाईरसको संक्रमण ज्यादै बढ्न थालेपछि उनले यस्तो सुझाव दिएका छन् । युवायुवतीहरुमा कोरोनाको संक्रमण अहिले बढि देखिएकाले तिबाट बुढाबुढीमा सर्न सक्ने संकेत गर्दै उनले यस्तो सुझाव दिएका हुन् ।

कतिपय वालवालिकामा कोरोनाको संक्रमण भएपनि तिनको प्रतिरोध क्षमत ओच्च हुनाले नदेखिने र तिनलाई भेट्न जाँदा हजुरबा हजुर आमामा सर्न सक्ने स्वास्थ्यकर्मीहरुले बताएका छन् ।

जुलाई र अगस्ट महिनामा शैक्षिक संस्थाहरु बन्द थिए । नातीनातिनाहरु आफ्ना बा आमासित कि त घरै बसे । धेरै त छुट्टी मनाउन गए । आगामी हप्तदेखि शैक्षिक संस्थाहरु खुल्छन् । बा आमाहरु काममा जान्छन् । धेरैका वालवालिका स्कूल पुर्‍याउन र स्कूल छुट्टी भएपछि तिनलाई लिन हजुरबा हजुर आमा जान्छन् । त्यसैले प्रधानमन्त्री कास्तोले स्कूलमा नातीनातिना लिन लिन नजान, नभेट्न आग्रह गरेका हुन् ।

कोरोना भाईरसको संक्रमण उच्च भएसँगै फ्रान्सका प्रधानमन्त्री जँ कास्तोले फेरि लकडाउन हुनसक्ने संकेतपनि गरेका छन् । स्वास्थ्य मन्त्रीसहितको संलग्नतामा उनले आयोजना गरेको प्रेस सम्मेलनमा यस्तो संकेत गरेका हुन् । कोरोना भाईरसको संक्रमण ज्यादै बढेकोले पेरिस क्षेत्रका सार्वजनिक स्थलमा मास्क लगाउनु अनिवार्य बनेको छ । सोमबरदेखि पेरिसका सबैतिर मास्क अनिवार्य लगाउनुपर्ने छ ।

‘कोरोना भाईरसको संक्रमण ज्यादै बढेको छ । यसलाई नियन्त्रण गर्न मास्क अनिवार्य लगाउनुपर्ने छ र यो नियन्त्रण नभएमा फेरि लकडाउन गर्नुपर्ने उपायपनि अबलम्बन गरिने छ” उनले पत्रकार सम्मेलनमा भने । अहिलेनै सुरक्षाका कडा उपायहरु अबलम्बन नगरे भाईरस ब्यापक रुपमा फैलिने संकेत देखिएकोपनि उल्लेख गरेका छन् ।

प्रधानमन्त्रीले हाल फ्रान्समा एक दशमलव चार प्रतिशतले संक्रमितको संख्या बढेको र हरेक दश ब्यक्तिले १४ ब्यक्तिलाई संक्रमित गराउने हुँदा यसको तत्काल नियन्त्रण गर्न नसके स्थिति नियन्त्रण बाहिर जानसक्ने चिन्ता ब्यक्त गरे ।

बैज्ञानिक र स्वास्थ्य अनुसन्धानदाताहरुले यो शरद ऋतुमा कोरोना भाईरसको संक्रमण फेरि उच्च हुने चेतावनी दिएकाले त्यस्तो हुन नदिन बेलैमा सुरक्षाका सबै अक्किल प्रयोग गर्नुपर्ने प्रधानमन्त्रीको तर्क छ ।

फ्रान्समा शुक्रवार आठ हजारमा कोरोना भाईरस संक्रमित भएको सूचि बाहिर आएपछि अधिकारीहरुले थप चिन्ता ब्यक्त गरेका छन् ।