दुबै पक्षको ‘एनआरएनए महाधिवेशन’ रोकी सहमतिमा गर्न प्रधानमन्त्रीलाई दवाव (पत्र सहित)
गैरआवासीय नेपाली संघ (एनआरएनए) लाई बिभाजनबाट बचाएर एकताबद्द गराउन नेपाली कांग्रेसको विदेशस्थित भात्री संगठनका कार्यकर्ताहरुले प्रधानमन्त्री शेर बहादुर देउवालाई लिखित पत्रसहित बुधवार दबाब दिएका छन् ।
प्रधानमन्त्री शेर बहादुर देउवालाई त्यसरि लिखित पत्रमार्फत् दबाब दिनेमा एनआरएनएका अभियन्तादेखि नेपाली कांग्रेसको जन वर्गिय संगठन नेपाली जनसंपर्क समितिका झण्डै सात दर्जन कार्यकर्ता, शुभचिन्तक र कार्यकर्ताहरु छन् । ति मध्ये अधिकांश नेपाली जनसंपर्क समितिका पूर्व र बर्तमान नेत्रित्वकर्ता हुन् ।
तर पत्रमा कसैकोपनि दस्तखत नभएकाले यो पत्र कति आधिकारिक हो भन्ने शंका उत्पन्न भएको छ । पत्रमा राखिएका शर्त र मागहरुमा उल्लेखित ब्यक्तिहरुको सहमति भए नभएका बारेपनि स्पष्ठ छैन ।
पत्रमा उल्लेख गरिएका माग बारे सबैमा आफ्नो सहमति नभएको नाम उल्लेख गर्न नचाहने एक एन आर एन ए अभियानताले नेपालप्लसलाई बताए । उनको भनाई छ “एकता आव्हानमा मात्र हाम्रो सहमति हो । कुनैपनि अधिबेशन रोक्नका लागि गरिएको होइन । हामी कुनैपनि समूहको हनुमन्ते कार्यकर्ता होइनौं ।”
अभियानलाई एकताबद्ध गरौं, विभाजनका लागि गरिने सबै खालका गतिविधि बन्द गरौं’ भन्ने उनीहरुको आग्रह छ ।
अभियन्ताहरुले एनआरएनएको १० औं महाधिवेशनका लागि छनौट गरिएका प्रतिनिधिका विषयमा विवाद उत्पन्न भई पछिल्लो समय प्रवासमा बस्ने लाखौं नेपालीहरुको आस्थाको केन्द्रमा रहेको संस्था विभाजित हुने र संस्थाको गरिमालाई ध्वस्त पार्ने जस्ता गतिविधि भईरहेको उल्लेख गरेका छन् ।
संस्थाको स्वार्थलाई सर्वोपरि ठानी संस्था बचाउनुपर्छ भन्ने अभियानमा सहयोग पुर्याउन उनीहरुले प्रधानमन्त्री तथा कांग्रेस सभापति देउवा समक्ष आग्रह गरेका छन् ।
प्रधानमन्त्री देउवालाई पठाइएको पत्रमा एनआरएनएको तर्फबाट हालसम्म भए गरेका राम्रा र नराम्रा गतिविधिको जिम्मेवारी नवौं महाधिवेशनबाट निर्वाचित सिंगो कार्यसमितिले लिनुपर्ने जिकिरपनि उनीहरुको छ ।
दशौं विश्व सम्मेलन र अधिवेशन समयमा सम्पन्न गर्ने र गराउने वातावरण तय गर्न नसकेको प्रति आम गैर आवासीय नेपालीको बिचमा आत्माआलोचना गर्दै सबै पक्षलाई एकताको वातावरण तयार गर्न नेतृत्व क्रियाशील हुनुपर्ने पत्रमा उल्लेख छ ।
संस्थाको महाधिवेशन प्रतिनिधि चयनमा भएको विवादलाई समझदारीमा निराकरण गरिनुपर्ने माग गरेका चह्न् । हाल दुर्वै तर्फबाट भएका महाधिवेशन र निर्वाचनका गतिविधिलाई तत्काल रोकी वार्ता मार्फत सबै पक्षको सहमतिमा एकताको महाधिवेशनको वातावरण निर्माण गरि महाविधेशन आयोजना गर्नुपर्नेमा पनि जोड दिइएको छ ।
त्यस्तैगरि, पत्रमा संस्थालाई विभाजन गर्ने खालका सबै किसिमका गतिविधिहरुलाई निस्तेज पार्दै एकताको महाधिवेशन गर्नुपर्ने र त्यसले मात्रै अहिलेको आवश्यकता संस्था बचाउने एक मात्र उपाय भएको उल्लेख छ ।
हाल सबै पक्ष संयमीत हुँदै आम सहमतिमा नयाँ कार्यसमिति निर्माण गरि संस्थालाई विभाजन हुनबाट रोक्न सबैमा आग्रह पनि गरिएको छ ।
दबाबकर्ताहरुले प्रधानमन्त्री देउवालाई पठाएको पत्र एनआरएनए अध्यक्ष कुमार पन्त, नेकपा माओवादी केन्द्र, नेकपा समाजवादी, नेकपा एमाले लगायतका सबै दललाई बोदार्थ दिएको उल्लेख गरेका छन् ।
तर पत्रमा नाम उल्लेखितहरुको हस्ताक्षर भने छैन । केहिले सहमति केहि बुँदामा भएको तर पत्र तयार गर्दा सहमति नभएका बुँदासमेत थप गरेर प्रधानमन्त्री देउवालाई पठाएको आशंका गरेका छन् ।
यो सहमति जुटाउन उनीहरुले पटक पटक आन्तरिकरुपमा अनलाईनका माध्यमबाट बैठक र छलफल गरेका थिए ।
(दोस्रो पटक संपादन गरी शिर्षक र केहि बुँदा भुल सुधार गरिएको छ-संपादक)
देउवालाई पठाएको भनिएको तीन पृष्ठको पत्र हेर्नुस्
