नग्न मानिसको उत्सव मनाउने संस्कृति

नेपालप्लस संवाददाता / जापान२०७८ चैत २० गते १२:२९

image credit – screen shot via robe.me.fr

जापानमा एउटा अनौठो पर्व छ । हादाका माचुरी भन्ने । यसलाई नाङ्गो मानिसको उत्सव पनि भनिन्छ जुन सबैभन्दा विलक्षण जापानी चाडहरू मध्ये एक हो । यसमा विश्वभरका मानिसहरू उपस्थित हुन्छन् ।

जापानको सैदाइजी मन्दिरमा हरेक वर्ष फर्वरी महिनाको तेस्रो शनिबार हुने यो पर्व छिट्टै जापानी संस्कृतिको एउटा उल्लेखनीय पक्ष बनेको छ ।

महोत्सवको उत्पत्ति

image credit – screen shot via thadpope.com

ओकायामाको सैदाइजी मन्दिरमा भएको ५०० वर्ष पुरानो अनुष्ठानबाट हादाका माचुरी पर्वको जन्म भएको हो । त्यो गाउँलेहरू मन्दिरमा भेला भएका थिए जसले पुजारीबाट भाग्यमानी हुन लगाउने कागजको जन्तर दिएका थिए । जन्तरमा सौभाग्य आकषिर्त गर्ने अलौकिक क्षमता हुने विश्वास गरिएको हुनाले गाउँलेहरू एउटा पाउनका लागि आपसमा संघर्ष गर्न थाले । तर त्यहाँ लुछाचुँडी, तानातान हुनाले अराजकताका कारण कागज र लुगाहरू च्यातिन थाले । मानिसहरू चाँडै निराश भए । लगाउने कपडानै च्यात्तिने भएकाले कपडा बिना जाने निर्णय गर्न थाले । कागजको सट्टा जन्तर काठबाट बनाउन थालियो ।

त्यसैले अहिले हदाका माचुरी महोत्सवमा हजारौं नग्न पुरुषहरू पवित्र डण्डा समात्न पुग्छन् ।

हादाका माचुरी महोत्सव

image credit – screen shot via thadpope.com

यो पर्वको रातमा विश्वभरबाट करिब १० हजार पुरुष फुन्दोशी नामको जापानी लङ्लो र सेतो मोजा लगाएर सैदाइजी मन्दिरमा पुग्छन् । मुख्य पर्व प्रारम्भ गर्न मन्दिर प्रवेश गर्नुअघि अग्ला सहभागीहरूले आफूलाई शुद्ध पार्न चिसो पानीमा नुहाउनुपर्ने हुन्छ ।

चाड सामान्यतया राति १० बजे सुरु हुन्छ । त्यसैले समय भएपछि पुजारीले बत्ती निभाउँछन् । १०० बन्डल (१२ दर्जनको एक बण्डल) र दुईवटा पवित्र शिङ्गी नामका डण्डाहरु फ्याँक्न नग्न मानिसहरूको भीडबाट लगभग ४ मिटर टाढा झ्यालमा उभिन्छन् ।

ति डण्डाहरु पर्खेर बसेका सहभागिहरुलाई फ्याँक्दा उनीहरुले ति पवित्र डण्डा समात्न आपसमा हारालुछ गर्छन् ।

पवित्र डण्डाहरू दुईवटा मात्र हुनाले त्यहाँ प्राय: पुरुषहरू बीच भयंकर संघर्ष हुन्छ । त्यो पाउनकालागि हारालुछ, तानातान गर्दा प्रायः चोटपटक लाग्दछ । उनीहरूलाई त्यसमा कुनै आपत्ती भएजस्तो लाग्दैन । किनकि उनीहरूले पवित्र डण्डाले पूरै वर्षभरि राम्रो भाग्य ल्याउने विश्वास गर्छन् जसले यसलाई समात्न सफल हुन्छ ।

डण्डा जसले समात्छ उसलाई बिजयी घोषणा गर्नु आधा घण्टा अघि मात्रै धार्मिक वा त्यसको परम्परागत नित्य, कार्यक्रम गरिन्छ ।

वर्षौंदेखि हादाका माचुरी पर्व स्थानीय र विदेशीहरूले पनि मनाउँदै आएका छन् । तिनीहरु यो पर्वमा भाग लिन सैदियाजी मन्दिर जाने गर्छन् ।

दुर्भाग्यवश महामारीको कारण चाडपर्व सामान्य रूपमा गर्न गत साल जापानलेपनि पाएन । तर यसको सट्टा, विगतका वर्षहरूका विजेताहरू सैदियाजी मन्दिरमा भेला भएर महामारी टाढा जाओस, हटोस भन्दै विश्व शान्तिको प्रार्थना गरे ।