तातो संसारले गरिब समूदायलाई अरूलाई भन्दा बढी चोट पुर्‍याउनेछ

जलवायु परिवर्तन सित घुलमिल गराउन सबैभन्दा गरिब मानिसहरुलाई सहयोग गर्नुपर्छ

गएको महिना जलवायु परिवर्तनको बारेमा कुरा गर्दा मैले धेरै समय खर्च गरेको छु । चाहे यो मेरो पुस्तक भ्रमणमा होस्, मिडिया साक्षात्कारमा । वा साथीहरूसँग कुराकानीको क्रममा । हामी कसरी जलवायु परिवर्तनको नराम्रो प्रभावहरू रोक्न सक्छौं भन्ने बारे मानिसहरूसँग यति धेरै सोचविचारपूर्ण कुराकानी गर्नु राम्रो भयो।

मैले पाएका धेरैजसो प्रश्नहरू मध्ये कसरी हामी शून्य ग्रीन हाउस ग्याँस उत्सर्जनमा पुग्छौं भन्ने बारे थियो । हामीले सबभन्दा ठूलो जलवायु समस्या कसरि न्युनिकरण गर्ने भन्ने हो जुन हामीले समाधान गर्नुपर्दछ । र यसलाई यत्तिको ध्यान दिएर हेर्नु अत्यन्त राम्रो हो । तर मैले थाहा पाएँ कि त्यहाँ एउटा मुख्य विषय छ जुन मानिसहरुले सोधेका थिएनन् : हामी कसरी विश्वलाई मौसम परिवर्तनअनुकुल हुन मद्दत गर्न सक्छौं।

म बुझ्छु किन । मैले पुस्तकको पाँच अध्यायहरू मौसम परिवर्तन घटाउनका लागि समर्पित गरें र मात्र एउटालाई मौसम परिवर्तनसित अनुकूलन हुन (पूर्वपरिक्षणमा, मैले यो विषयको बारेमा बढी लेख्नुपर्थ्यो)। तर त्यहाँ मैले “हाम्रो मौसम परिवर्तन कसरी रोक्न सकिन्छ” भन्ने नाम दिनु एक कारण छ । “जलवायु परिवर्तनलाई कसरी रोक्ने” भन्ने नाम राख्नुहुन्थेन ।

गरीबीमा बस्नेहरू मध्ये दुई तिहाइले कृषिमा काम गर्दछन् जुन उनीहरूको परिवारको पालनपोषणको लागि उनीहरूले उब्जाउने खानामा भर पर्दछन् । तात्दै गएको मौसम अमेरिका र युरोपमा तुलनात्मक रूपमा राम्रो उत्पादन प्राप्त किसानहरूको लागि समस्याग्रस्त हुनेछ । तर अफ्रिका र एशियामा कम आय भएका किसानहरूका लागि घातक हुनसक्छ ।

तपाईं जति भूमध्यरेखाको नजिक रहनुहुन्छ जलवायु परिवर्तनको नराम्रो असरहरू पनि उति हुनेछ। खडेरी र बाढी बारम्बार हुने गर्छ । फसलहरू प्रायजसो नष्ट गर्दछ । गाईवस्तुले कम खान पाउनेछन् र मासु र दुध कम उत्पादन हुने छ। हावा र माटोमा चिसोपन घट्नथाल्छ । बोटबिरुवाहरूको लागि कम पानी उपलब्ध हुन्छ । दक्षिण एसिया र सब-सहारा अफ्रिकामा करोडौं एकड जमिन निकै सुक्खा हुनेछ । तपाईं पहिले नै नदी वा समुद्र किनारमा बस्दै हुनुहुन्छ भने यी कुनै पनि परिवर्तनहरू विनाशकारी हुनसक्छन् । हामी सम्भवतः यी किसानहरूको अवस्था हेर्न जाँदैछौं जहाँ तपाईको बाली हरेक १० वर्षमा नष्ट हुनुको सट्टा प्रत्येक चार वर्षमा निमिट्यान्न हुने छ । यदि तपाईंसँग आयातित खाद्यान्न किन्न पैसा छैन भने के हुन्छ ? तपाईंको बच्चाहरू कुपोषित हुनसक्छन् र रोग लाग्नसक्ने संभावनाबाट बढी संवेदनशील हुन सक्छन् । धेरै साना किसानहरूका लागि यो समस्या हुने छ ।

Photo Credit-gatesnotes.com

गरिब मुलुकमा मौसम परिवर्तनको सबैभन्दा नराम्रो असरले स्वास्थ्यलाई अझ खराब बनाउनेछ । गरिबलाई तिनीहरूको स्वास्थ्यमा सुधार गर्नुपर्ने अर्को कारण पनि छ । यो कुपोषित बच्चाहरू बाँच्ने प्राथमिक समस्याहरूको सामना गर्दै प्राथमिक स्वास्थ्य सेवा प्रणालीमा सुधार गरेर, मलेरिया रोकथामलाई दोब्बर बनाउने र झाडापखाला र निमोनियाजस्ता स्थितिका लागि खोपहरू उपलब्ध गराउने क्रम सुरु हुन्छ । हामीले यो पनि सुनिश्चित गर्नुपर्छ कि थोरै केटाकेटीहरू कुपोषित होउन्, पहिलो स्थानमा गरीब किसानहरूलाई थप खाना बढाउन मद्दत गरेर ।

“हामीलाई खाना उब्जाउनको लागि अझ राम्रा विधि र उपकरणहरू चाहिन्छ । जस्तै : हामीले शून्य कार्बनको माध्यम फेला पार्नुपर्छ र बिजुली उत्पादन गर्ने तरिकाहरू पनि खोज्नु पर्छ ।”

हामीले नवीन खोज र प्रविधीका साथ समाधान गर्न मद्दत गर्न सक्छौं । हामीलाई खाना बढाउन अझ राम्रो विधिहरू र उपकरणहरू चाहिन्छ जसरी हामीले शून्य-कार्बन विधिहरू खोज्नु पर्छ । वरिपरि खोज गरेरर बिजुली उत्पादन गर्न सकिन्छ । कुनै अन्य संगठन नयाँ आविष्कारहरू सिर्जना गर्न राम्रो स्थितिमा छैन जुन गरिब किसानहरूलाई सीजीआईएआर भन्दा अगाडि वर्षको मौसम परिवर्तनमा अनुकूलन गर्न मद्दत पुर्‍याउँछ । यो विश्वव्यापी साझेदारी गर्ने संस्था हो जसले बोटबिरुवा र जनावरहरूलाई अझ लचिलो र उत्पादनशील बनाउन मद्दत गर्दछ। (मैले सीजीआईएआर पहिले कति गज्जबको हो भन्ने बारेमा लेखेको छु।)

हाम्रो प्रतिष्ठान पहिलो पटक एक दशक भन्दा पहिले सिजिअइएआरसँग सामेल भयो जब हामीले खडेरी र बाढी सहनसक्ने प्रजातिहरू मकै जस्ता मुख्य बालीहरूको विकास गर्न उनीहरूको कामलाई समर्थन गर्थ्यौं । हामी पहिले नै जिम्बावे जस्ता ठाउँहरूमा ठूला सुधारहरू देखिरहेका छौं । सुक्खा संकट भएका क्षेत्रका किसानहरूले खडेरी सहिष्णु मकैको प्रयोग गर्थे र परम्परागत प्रजातिहरू प्रयोग गर्ने किसानहरूको तुलनामा प्रति एकडमा ५०० बढी पाउन्डसम्म बाली फलाउन सक्थे । तिनले ६ देखि ९ जनाको परिवारलाई खुवाउन पर्याप्त हुन्थ्यो ।

सिजिएअैएआर र अन्य संगठनहरूले किसानहरूलाई अप्रत्याशित मौसम अनुकूलन गर्न मद्दतको लागि उपकरणहरू पनि सिर्जना गरिरहेका छन् । जस्तै : सेन्सरहरू जसले तपाईंलाई कहिले बिउ रोप्ने भनेर सहयोग गर्छ । फोन अनुप्राग (एप्लिकेसन) हरू जसले कीटहरू पहिचान गर्न मद्दत गर्छन् । गरीब किसानलाई यस्तै थप अग्रिम जानकारि चाहिन्छ । तर तिनीहरूलाई प्रदान गर्न हामीले कृषि अनुसन्धान र विकासमा बढी पैसा लगानी गर्न आवश्यक छ । सिजिआइएआरको रकम दोब्बर पार्ने गरी यसले बढी किसानहरु सम्म पुग्न सक्छ । यो ग्लोबल कमेटी अफ एडप्टेसनको मुख्य सिफारिश हो जुन मैले संयुक्त राष्ट्र संघका पूर्व महासचिव बान की मून र विश्व बैंकका पूर्व सीईओ क्रिस्टलिना जर्जियावासँगै नेतृत्व गरेको थिएँ। (अन्य सिफारिशहरुमा पानी पूर्वाधार निर्माण र किसानहरुलाई छिटो पुनः प्राप्तिकालागि मद्दत गर्न एक मजबूत सुरक्षा जाल निर्माण समावेश छ।)

यदि हामी किसानहरुलाई बदलिँदो मौसम अनुकूलन बनाउन अब कदम चाल्दैनौं भने हामी आफैंलाई मानवीय र भौगोलिक राजनीतिक प्रकोपको लागि स्थापित गरिरहेका छौं । युएस सेनाले पूर्वानुमान गरेको छ कि जलवायु परिवर्तन विश्वव्यापी अस्थिरताको एक विशाल चालक बन्छ । जब व्यक्तिहरू आफैंलाई खुवाउन पर्याप्त भोजन उब्जाउन सक्दैनन्, तिनीहरू प्रायः ती क्षेत्र, ती ठाउँहरू छोड्दछन् । र ति अन्य क्षेत्र जान्छन् जसले उनीहरूको परिवारलाई अझ राम्रोसँग सहयोग गर्न सक्दछन् । हामी अझ धेरै “जलवायु शरणार्थीहरू” देख्न जाँदैछौं । तुलनात्मकरुपले अलि ठण्डा क्षेत्रमा सर्न जाँदा संसार झन न्यानो हुँदै जान्छ । रक्षा विभागले पहिल्यै सोचिरहेको छ कि जहाँ तातो मौसमले द्वन्द्व निम्त्याउन सक्छ त्यहाँ उनीहरूलाई हस्तक्षेप गर्न भनिनसक्छ ।

यो अत्यन्तै अनुचित छ कि मानिस जो जलवायु परिवर्तनको लागि कम से कम योगदान गर्दछ उ यसको प्रभावबाट सबैभन्दा खराब पीडित हुनेछ । गत चौथाई शताब्दीमा चरम गरीबीमा गिरावट आएको छ । सन् १९९० मा विश्वको जनसंख्याको ३६ प्रतिशतबाट घटेर सन् २०१५ मा १० प्रतिशतमा झरेको छ । यद्यपि कोरोना भाइरसले एक ठूलो अवरोध गरेको छ जुन ठूलो प्रगतिलाई पूर्ववत फर्काउन खोज्दै छ। मौसम परिवर्तनले यि धेरै लाभहरू मेटाउन सक्छ । चरम गरीबीमा बाँचिरहेकाहरूको संख्या १३ प्रतिशतले बढाउन सक्छ ।

धनी र मध्यम आय भएका देशहरूले जलवायु परिवर्तनको विशाल बहुमतको परिणाम दिइरहेका छन् । र मौसम परिवर्तनसित अनुकूलनका लागि बढि लगानी गर्न हामी पनि एक हुनु आवश्यक छ । विश्वका सबैभन्दा गरिबहरु हाम्रो सहायताको लागि योग्य छन् । उनीहरूलाई अहिले पाएको भन्दा पनि अझ बढी चाहिएको छ ।

(‘गेट्स नोट्स’ ब्लगबाट नेपालप्लसकालागि भावानुवाद गरिएको-संपादक)